اتىراۋدا بالاسىنىڭ كوزىنشە ايەلىنىڭ ارقاسىنا پىشاق سۇعىپ العان ادام ۇستالدى, دەپ جازادى Egemen.kz.
كۇدىكتى ۇستالىپ, ۋاقىتشا ۇستاۋ يزولياتورىنا قامالدى. ول وسىعان دەيىن بىرنەشە رەت اكىمشىلىك جاۋاپكەرشىلىككە تارتىلعان.
«12 ساۋىردە قر اقبتك-ءتىڭ 73-بابى 1-بولىگىمەن اكىمشىلىك حاتتاما جاسالدى. ءىس اكىمشىلىك سوتتا قارالدى. الايدا, ەرلى-زايىپتىلار سوتتا تاتۋلاسىپ, ءىس توقتاتىلدى. اعىمداعى جىلدىڭ 24-شىلدەسىندە ايەل كۇيەۋى ءوزىن قورقىتقانىن ايتىپ, ارىز بەردى. جابىرلەنۋشىنىڭ مالىمدەمەسى بويىنشا «قر قىلمىستىق كودەكسىنىڭ 115-بابى بويىنشا ءىس قوزعالدى. ازامات ايەلىنىڭ ار-نامىسى مەن قادىر-قاسيەتىنە نۇقسان كەلتىرگەنى ءۇشىن ءۇش كۇنگە قاماۋعا الىندى», دەدى پوليتسيا.
قر قىلمىستىق كودەكسىنىڭ 115-بابى بويىنشا تىركەلگەن قىلمىستىق ءىس سوتقا جىبەرىلەدى.
وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى 22 تامىز كۇنى كەشكە 30 جاستاعى ايەلدىڭ اۋرۋحاناعا تۇسكەنىن راستادى. حابارلاۋىنشا, كەۋدە تۇسىندا پىشاق جاراقاتى بولعان.