مال ازىعى الدىن الا دايىندالعان, دەپ حابارلايدى Egemen.kz «حابار 24-كە» سىلتەمە جاساپ.
پاۆلودار وبلىسىنىڭ شارۋالارى قۋاڭشىلىقتان زارداپ شەككەن وڭىرگە كومەك كورسەتۋگە باستامانى وزدەرى كوتەرىپ وتىر. ولار ءشوپتى جىبەرەتىن ورىندى انىقتاۋدى ۆولونتيورلەرگە تاپسىرىپتى. ۇيىمداستىرۋشىلار جەرگىلىكتى فەرمەرلەردىڭ ۇيىمشىلدىعىنا ءتانتى بولعاندارىن جاسىرمادى. قىسقا مەرزىمدە شابىلعان 250 توننا ءشوپ جينالىپتى. گۋمانيتارلىق جۇك اۋا رايىنىڭ قولايسىزدىعىنان زارداپ شەككەن ماڭعىستاۋ وبلىسىنا ەكى اپتادا جەتۋى ءتيىس.
ء«بىزدىڭ ەرىكتىلەر ۆاگوندارعا تيەپ جاتقان بولسا ماڭعىستاۋ وبلىسىنداعى ءدال وسىنداي قابىلداپ الاتىن, ياعني ءبولۋ جانە ءتۇسىرۋ جۇمىستارىمەن اينالىساتىن ەرىكتىلەرمەن تىكەلەي حاباردامىز. ول كىسىلەرگە وسىنداي ءشوپ دايىنداپ جاتقانىمىزدى ايتقان بولاتىنبىز. ول جاقتا دا كۇتىپ وتىر», دەدى ۆولونتەرلەردىڭ ايماقتىق فرونت-كەڭسەسىنىڭ جەتەكشىسى ەركەبۇلان كۇنتۋعان.