ا. مامين ەاەو داعدارىسقا قارسى شارالارىن كۇشەيتۋدى ۇسىندى

ۇكىمەت باسشىسى ەۋرازيالىق ەكونوميكالىق وداق ەلدەرىنىڭ نەگىزگى ەكونوميكالىق كورسەتكىشتەرىنىڭ سەنىمدى قالپىنا كەلتىرىلۋىن اتاپ ءوتتى. ەاەو اياسىنداعى ءوزارا ساۋدا بيىلعى قاڭتار-ماۋسىم ايلارىندا شامامەن $33 ملرد قۇرادى, بۇل وتكەن جىلدىڭ سايكەس كەزەڭىمەن سالىستىرعاندا 32%-عا ارتىق. ءۇشىنشى ەلدەرمەن ساۋدا كولەمى 24,5%-عا ءوسىپ, $371,1 ملرد قۇرادى.

2021 جىلدىڭ ءبىرىنشى جارتىجىلدىعىندا ەاەو-عا مۇشە مەملەكەتتەردىڭ بارلىق كولىك ءتۇرىنىڭ جۇك اينالىمى 3,1 ترلن توننا-كيلومەترگە جەتتى, بۇل وتكەن جىلدىڭ سايكەس كەزەڭىمەن سالىستىرعاندا 4,6%-عا ارتىق.

ترانزيت كورسەتكىشتەرىندە ەلەۋلى ءوسىم بايقالادى. اتاپ ايتقاندا, تەك ەۋروپا - قىتاي - ەۋروپا باعىتى بويىنشا وسى جىلعى قاڭتار-شىلدە ايلارىندا قازاقستان اۋماعى بويىنشا كونتەينەرلىك تاسىمالدار كولەمى 47%-عا ءوسىپ, 381,4 مىڭ جفە قۇرادى.

پرەمەر-مينيستر پاندەميامەن بايلانىستى تاۋەكەلدەر بۇعان دەيىن بولجانعاننان دا ۇزاق مەرزىمدى سيپاتقا يە ەكەنىن اتاپ ءوتتى. وسىعان بايلانىستى 2020 جىلعى ساۋىردە ەاەو شەڭبەرىندە ەكونوميكالىق تۇراقتىلىقتى قامتاماسىز ەتۋ بويىنشا قابىلدانعان شارالاردى وزەكتەندىرۋ قاجەت ەكەنىن اتاپ ءوتتى. ەەك-كە ءتيىستى ۇسىنىستاردى 2021 جىلعى قازاندا وتەتىن ەۇاك-تىڭ كەلەسى وتىرىسىنا ەنگىزۋ تاپسىرىلدى.

ا. مامين ازىق-ت ۇلىك نارىعىنداعى تۇراقتىلىقتى قامتاماسىز ەتۋ, اوك ونىمدەرىن ءوندىرۋ بويىنشا ەاەو الەۋەتىن ارتتىرۋ جانە ونى سىرتقى نارىقتارعا شىعارۋ, سەكتوردا قوسىمشا قارجىلاندىرۋ كوزدەرىن قالىپتاستىرۋ بويىنشا قوسىمشا بىرلەسكەن جەدەل شارالار قابىلداۋدىڭ ماڭىزدىلىعىن اتاپ ءوتتى.

«اتالعان مىندەتتەردى ىسكە اسىرۋداعى ساپالى ءتاسىل ءبىزدىڭ ماكرووڭىرگە ازىق-ت ۇلىك قاۋىپسىزدىگىن قامتاماسىز ەتۋگە جانە ءوزىن ەۋرازيالىق كەڭىستىكتەگى ەڭ ماڭىزدى ازىق-ت ۇلىك حابتارىنىڭ ءبىرى رەتىندە تانىتۋعا مۇمكىندىك بەرەدى», دەدى ا. مامين.

ۇكىمەت باسشىسى جەتەكشى قارجى ۇيىمدارىمەن ارىپتەستىكتە ەاەو-دا «جاسىل» جوبالاردى جانە «جاسىل» قارجىلاندىرۋدى ىلگەرىلەتۋ جۇمىستارىن جەدەلدەتۋ قاجەتتىگىن اتاپ ءوتتى.

قر پرەمەر-ءمينيسترى ءتۋريزمدى دامىتۋدا ءبىرىنشى كەزەكتەگى مىندەتتەر رەتىندە ەاەو ەلدەرى ازاماتتارىنىڭ ورتاق نارىقتارعا, ونىڭ ىشىندە ۆاكتسينالاۋ پاسپورتتارىن ءوزارا تانۋ, جەڭىلدەتىلگەن كارانتيندىك رەجيمى بار بىرلەسكەن تۋريستىك ايماقتاردى قالىپتاستىرۋ جانە تسيفرلىق ينفراقۇرىلىمدى ودان ءارى دامىتۋ ارقىلى ءوزارا قول جەتكىزۋىن جەڭىلدەتۋ جونىندەگى شارالاردى قامتاماسىز ەتۋدى اتادى.

وتىرىستا قازاقستان تاراپىنىڭ باستاماسى بويىنشا سايكەستىكتى باعالاۋ سالاسىنداعى اككرەديتتەۋ جونىندەگى ايماقتىق ۇيىم قۇرۋ تۋرالى شەشىم قابىلداندى. بۇل ەۋرازيالىق كەڭىستىكتە سايكەستىكتى باعالاۋ جونىندەگى ۇلتتىق ورگانداردىڭ قىزمەتىن شوعىرلاندىرۋعا, ۋاقىت پەن قارجى رەسۋرستارىن ۇنەمدەۋگە جانە ساۋداداعى تەحنيكالىق كەدەرگىلەردى الىپ تاستاۋعا مۇمكىندىك بەرەدى.

ەاەو شەڭبەرىندە ورگانيكالىق اۋىل شارۋاشىلىعى ونىمدەرىنىڭ ورتاق نارىعىن قالىپتاستىرۋ جونىندەگى ءىس-شارالار جوسپارى, ەاەو-عا مۇشە مەملەكەتتەردىڭ ۇيلەستىرىلگەن (كەلىسىلگەن) كولىك ساياساتىن ىسكە اسىرۋدىڭ 2021-2023 جىلدارعا ارنالعان نەگىزگى باعىتتارى مەن كەزەڭدەرىن ىسكە اسىرۋ جونىندەگى ءىس-شارالار جوسپارى, ەاەو مەن قحر اراسىنداعى ساۋدا-ەكونوميكالىق ىنتىماقتاستىقتى دامىتۋ مۇددەسىندە جۇك تەمىر جول تاسىمالدارىن تسيفرلاندىرۋ جونىندەگى ءبىرىنشى كەزەكتەگى ءىس-شارالار جوسپارى بەكىتىلدى.

تاۋارلاردى اكەتۋ كەزىندە بەلگىلەنەتىن ەكسپورتتىق رەتتەۋدىڭ بىرجاقتى شارالارىن جاقىنداستىرۋ, ەاەو-نىڭ ىشكى نارىعىنداعى الىپ قويۋلار مەن شەكتەۋلەردى جويۋ, ەۋرازيالىق قايتا ساقتاندىرۋ كومپانياسىن قۇرۋ, جاھاندىق كليماتتىق كۇن ءتارتىبىن ىسكە اسىرۋ تۇرعىسىنان ورتاق تاسىلدەمەلەر تۇجىرىمداۋ, ترانسشەكارالىق ەسەپ ايىرىسۋلاردى اۆتوماتتاندىرۋ جانە ينتەگراتسيالاۋ, مۇناي مەن گازدىڭ ورتاق نارىقتارىن قالىپتاستىرۋ جونىندەگى جۇمىس بارىسى, تەمىرجول كولىگىنىڭ ترانزيتتىك الەۋەتىن دامىتۋ جانە ت. ب. ماسەلەلەر قارالدى.

وتىرىسقا سونداي-اق ارمەنيا پرەمەر-ءمينيسترى نيكول پاشينيان, بەلارۋس پرەمەر-ءمينيسترى رومان گولوۆچەنكو, قىرعىزستان پرەمەر-ءمينيسترى ۋلۋكبەك ماريپوۆ, رەسەي پرەمەر-ءمينيسترى ميحايل ميشۋستين, وزبەكستان پرەمەر-ءمينيسترى ابدۋللا اريپوۆ قاتىستى, كۋبا پرەمەر-ءمينيسترى كرۋس مانۋەليا ماررەرو بەينەمالىمدەمە جاسادى.

شولپان-اتا قالاسىنا ساپارى اياسىندا ۇكىمەت باسشىسى اسقار مامين قىرعىزستاننىڭ پرەمەر-ءمينيسترى ۋلۋكبەك ماريپوۆپەن ەكىجاقتى كەلىسسوز جۇرگىزدى. ەكى ەلدىڭ ساۋدا-ەكونوميكا, ينۆەستيتسيا, سۋ-ەنەرگەتيكا, اوك, ونەركاسىپتىك كووپەراتسيا جانە ت. ب. سالالارداعى ىنتىماقتاستىعىنىڭ وزەكتى ماسەلەلەرى تالقىلاندى.

2021 جىلدىڭ 6 ايىندا ەكىجاقتى ساۋدا كولەمى $413 ملن قۇرادى. تاراپتار بۇل كورسەتكىشتى $1 ملرد دەيىن جەتكىزۋگە نيەتتى.