قازاقستان اۋعانستانداعى جاعدايدىڭ دامۋ بارىسىن مۇقيات قاداعالاپ وتىر. بۇل تۋرالى ءسىم ءباسپاسوز قىزمەتى حابارلادى, دەپ جازادى Egemen.kz.
«قازاقستان بارلىق تاراپتى ىشكى تۇراقتاندىرۋدىڭ باستى العىشارتى رەتىندە بيلىكتىڭ بەيبىت ءترانزيتىن قامتاماسىز ەتۋگە شاقىرادى. ءبىز بۇۇ قاۋىپسىزدىك كەڭەسىنىڭ ينكليۋزيۆتى جانە وكىلدىك ۇكىمەت قۇرۋ, ۇلتتىق ازشىلىقتار مەن ايەلدەردىڭ قۇقىقتارىن قۇرمەتتەۋ, باسقا مەملەكەتتەرگە قاۋىپ توندىرەتىن توپتاردىڭ بولۋىنا جول بەرمەۋ, حالىقارالىق قۇقىقتى ساقتاۋ تۋرالى مالىمدەمەسىن قولدايمىز.
وسى ەرەجەلەردى ورىنداۋ اۋعانستاننىڭ جاڭا بيلىگىمەن ديالوگتى باستاۋ ءۇشىن قاجەتتى شارت بولۋى ءتيىس», دەپ جازىلعان حابارلامادا.