جىل باسىنان بەرى شىعىس قازاقستان وبلىسىنىڭ ءورت سوندىرۋشىلەرى 890 توننا ءشوپتى ءسوندىردى. ءورتتىڭ شىعۋ سەبەبى - وتقا ۇقىپسىز قاراۋ جانە ءورت قاۋىپسىزدىگى تالاپتارىن ساقتاماۋ, دەپ حابارلايدى Egemen.kz شقو تجد ءباسپاسوز قىزمەتىنە سىلتەمە جاساپ.
تەك سوڭعى ەكى اپتانىڭ ىشىندە كاتونقاراعاي ايماعىندا - 14 توننا, جارمادا - 92 توننا, ءۇرجاردا - 12 توننا ءشوپ جانىپ كەتكەن.
التاي ايماعىندا تاسىمالداۋ كەزىندە تىركەمەدە ساقتالعان 1 توننا ءشوپ ورتەنسە, گلۋبوكوە اۋدانىندا جەكە ءۇي اۋماعىندا 11 توننا ءشوپ ورتەندى.
«ورتتەردىڭ سەبەبى – وتقا ۇقىپسىز قاراۋ جانە ءورت قاۋىپسىزدىگى تالاپتارىن ساقتاماۋ. شقو تجد ءورت قاۋىپسىزدىگىنىڭ نەگىزگى ەرەجەلەرىن ەسكە ساقتاۋدى سۇرايدى», دەپ جازىلعان ءباسپاسوز حابارلاماسىندا.