اۋعانستان استاناسى كابۋلدىڭ سىرتىندا ۇزىن-سونار كولىك كەپتەلىستە تۇر, دەپ جازادى Egemen.kz BBC اگەنتتىگىنە سىلتەمە جاساپ.
قالا تۇرعىندارى تاڭەرتەڭنەن بەرى بانكتە كەزەكتە تۇر. ەسەپشوتىنان اقشا شەشىپ العىسى كەلەتىندەردىڭ قاتارى كوپ.
اۋعانستان دەپۋتاتى فارزانا كوچاي BBC-گە بەرگەن سۇحباتىندا: «مەن ۇيدەمىن... قاشىپ كەتۋگە تىرىسىپ جاتقان ادامدارعا قارايمىن... ولاردىڭ قايدا باراتىنىن بىلمەيمىن, قورقىنىشتى», دەدى.
بۇعان دەيىن پاكىستان اۋعانستانمەن اراداعى تورحام شەكارا بەكەتىن جاباتىنىن مالىمدەگەن, سەبەبى ول سودىرلاردىڭ قولىنا تۇسكەن.
وسىلايشا كابۋل اۋەجايى ەلدەن كەتۋدىڭ جالعىز جولى بولىپ قالا بەرەدى.
«كەيبىر ادامدار كولىك قوزعالتقىشىن وتالدىرعان كۇيى تاستاپ, اۋەجايعا جاياۋ كەتتى», دەيدى كۋاگەر Reuters اگەنتتىگىنە.