ورتتەن قورىققان 18 جاستاعى قىز 9-قاباتتىڭ بالكونىنان سەكىرىپ كەتتى, دەپ جازادى Egemen.kz شقو توتەنشە جاعدايلار دەپارتامەنتى ءباسپاسوز قىزمەتىنە سىلتەمە جاساپ.
وقيعا 15 تامىزدا ساعات 12:00 شاماسىندا شاكارىم كوشەسىندە بولدى.
«9-قاباتتاعى پاتەردىڭ بالكونىندا ءورت شىققان. ءورت سوندىرۋشىلەر كەلىپ جەتكەن كەزدە ءۇي ءىشى كوك تۇتىنگە ورانىپ جاتتى. قۇتقارۋشىلار 18 جاستاعى قىزدى ەۆاكۋاتسيالاۋ ءۇشىن بىردەن باسپالداق قويدى. الايدا ونە-بويىن ۇرەي بيلەگەن قىز بالكوننان سەكىرىپ كەتتى. قازىرگى ۋاقىتتا جەدەل جاردەم قىزمەتكەرلەرى جابىرلەنۋشىنى اۋرۋحاناعا جەتكىزگەن», دەپ جازىلعان حابارلامادا.
قۇتقارۋشىلار جالپى اۋدانى 6 شارشى مەترگە جەتكەن جالىندى. اۋىزدىقتادى.
الدىن الا مالىمەت بويىنشا ءورتتىڭ شىعۋىنا وتتى ابايسىز قولدانۋ سەبەپ بولعان.