اۆستراليانىڭ سيدنەي قالاسىندا كوروناۆيرۋستىڭ تارالۋىنا بايلانىستى تۇرعىنداردىڭ قالادان ارنايى رۇقساتسىز شىعۋىنا تىيىم سالىندى, دەپ حابارلايدى Egemen.kz baq.kz-كە سىلتەمە جاساپ.
جاڭا وڭتۇستىك ۋەلس ۇكىمەتى اۆستراليانىڭ ەڭ ۇلكەن قالاسىنا قاتىستى جاڭا ەرەجەلەردى ماقۇلدادى. 9News حابارلاعانداي, بيلىك سيدنەي ازاماتتارىنىڭ ساياجايداعى دەمالىسىن توقتاتۋعا تىرىسىپ جاتىر.
سيدنەي ماڭىنداعى 12 قالادا دا شەكتەۋ كۇشەيتىلدى. اتاپ ايتقاندا, ەرلى -زايىپتىلار ءۇشىن تىركەۋ قاجەت جانە ولار ءبىر-بىرىنەن بەس شاقىرىمنان اسپايتىن جەردە تۇرسا عانا كەزدەسە الادى.
جاڭا وڭتۇستىك ۋەلستە ماۋسىمنىڭ اياعىنان بەرى لوكداۋن جاريالانعانىنا قاراماستان, COVID-19 جۇقتىرعاندار سانى ارتىپ كەلەدى. وتكەن تاۋلىكتە 390 جاڭا جاعداي انىقتالدى. بۇل شتاتتا پاندەميا باستالعالى بەرى رەكوردتىق كورسەتكىش.