اناپا قالاسىندا جاڭبىر سالدارىنان بەس شيپاجاي مەن ساۋىقتىرۋ ورتالىعى سۋ استىندا قالدى. قوناقتارمەن بىرگە 450-دەن استام ادام ەۆاكۋاتسيالاندى, دەپ حابارلايدى Egemen.kz gazeta.ru سايتىنا سىلتەمە جاساپ.
«اپات سالدارىن جويۋ بويىنشا كەشەندى جۇمىس ءجۇرىپ جاتىر. قازىرگى ۋاقىتتا سۋ باسقان پانسيوناتتاردان, دەمالىس ورتالىقتارى مەن ەلدى مەكەندەردەن 458 ادام ەۆاكۋاتسيالانىپ, ۋاقىتشا مەكەنگە ورنالاستىرىلدى», دەپ حابارلادى كراسنودار ولكەسىنىڭ شتابىنان.
ەۆاكۋاتسيا «وگونيوك» لاگەرىندە, «سولوۆەي» پانسيوناتىندا, «بريگانتينا» شيپاجايىندا, «دينامو» دەمالىس ورتالىعىندا جانە ۆينوگرادنوە اۋىلىنداعى جەكە ءۇي تۇرعىندارى ءۇشىن جۇرگىزىلدى.
اناپا, سلاۆيان جانە تەمريۋك اۋداندارىندا نوسەر جاڭبىردىڭ سالدارىنان 352 جەكە ءۇي مەن وعان جاقىن 878 اۋماقتى سۋ باسقانى انىقتالدى. سونداي-اق, ۆولنا رەۆوليۋتسياسى ەلدى مەكەنى ايماعىنداعى وبلىستىق جولدىڭ ءبىر بولىگى ەروزياعا ۇشىرادى.
بۇعان دەيىن اناپادا اۋا رايىنىڭ قولايسىزدىعىنا بايلانىستى توتەنشە جاعداي رەجيمى ەنگىزىلگەن بولاتىن. 12-13 تامىز ارالىعىندا قالادا 152,2 مم-دەن استام جاۋىن-شاشىن ءتۇستى. بۇل وبلىس ءۇشىن ءتورت ايلىق نورما.
سۋ تاسقىنى سالدارىنان 330-دان استام بالا «وگونيوك» بالالار شيپاجايىنان ەۆاكۋاتسيالاندى.
كراسنودار ولكەسى مەن قىرىمدا 15 تامىزعا دەيىن نوسەر جاڭبىر كۇتىلەدى.