جامبىل وبلىسى مويىنقۇم اۋدانىنان قىزىلوردا وبلىسىنا 1000 تەڭ ءشوپ جونەلتىلدى, دەپ حابارلايدى Egemen.kz قازاقپاراتقا سىلتەمە جاساپ.
مويىنقۇم اۋدانىنىڭ اكىمى مادەن مۇساەۆتىڭ قولداۋىمەن جانە قارابوگەت اۋىلدىق وكرۋگىنىڭ اكىمى باعدات ساتىبالديەۆتىڭ ۇيىمداستىرۋىمەن قىزىلوردا وبلىسى, سەكسەۋىل اۋىلىنا 1 ۆاگون (1000 تەڭ) ءشوپ جونەلتىلدى.
بۇل ىلكىمدى ىسكە ەرەكشە اتسالىسقان قارابوگەت اۋىلدىق وكرۋگىنە قاراستى قۇموزەك اۋىلىنىڭ «ماقپال» شارۋا قوجالىعىنىڭ جەتەكشىسى نۇرجان بايۇزاقوۆ پەن «ايتجان» شارۋا قوجالىعىنىڭ جەتەكشىسى جاراس ساۋلەباەۆتىڭ ەڭبەكتەرىنىڭ كوپ ەكەنىن ايتا كەتكەن ءجون.
«مويىنقۇم – ءشوبى شۇيگىن, تاستاي سالعان تاياعى تامىرلانعان تال بوپ وسەتىن توپىراعى قۇنارلى ناعىز ءشوپتىڭ وتانى دەۋگە بولادى. اسان قايعى بابامىزدىڭ «…جەتى جىل قاتارىنان جۇت كەلسە دە اشا تۇياق مال قالسا سەنىڭ باۋىرىڭدا قالادى ەكەن» دەپ جوعارى باعا بەرۋىدە سوندىقتان بولار. قازىر ەلىمىزدە بولىپ جاتقان قۋاڭشىلىقتا «مالىم جانىمنىڭ ساداعاسى» دەپ مال ازىعى ءۇشىن جانىن شۇبەرەككە ءتۇيىپ, شوپتەن تارشىلىق كورىپ وتىرعان ايماقتار قاتارى ازايار ەمەس. ولارعا ۇكىمەتتىڭ جانە جانى جومارت جەكە كاسىپكەرلەردىڭ قولداۋىمەن رەسپۋبليكامىزدىڭ تۇكپىر-تۇكپىرىنەن كوپتەگەن كومەكتەر كورسەتىلۋدە. بۇل تۇرعىدا قاشاندا قايىرىمدى ءىستىڭ قاتارىنان قالمايتىن مويىنقۇمدىقتار دا بەلسەندىلىك تانىتۋدا», دەيدى اۋدان اكىمى.