قر ۇكىمەتىنىڭ قاۋلىسىمەن دانيار ەرەنعالي ۇلى جانالينوۆ قر قارجى ۆيتسە-ءمينيسترى قىزمەتىنە تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى ءمالىم ەتتى, دەپ حابارلايدى Egemen.kz.
دانيار جانالينوۆ 1975 جىلى الماتى وبلىسىندا دۇنيەگە كەلگەن. قازاق كولىك جانە كوممۋنيكاتسيا اكادەمياسىن بىتىرگەن.
ماماندىعى بويىنشا بىلىكتىلىگى — ينجەنەر-ەكونوميست.
ەڭبەك جولىن 2000 جىلى تالدىقورعان قالاسى بويىنشا سالىق كوميتەتىنىڭ زاڭدى تۇلعالار سالىق ءاۋديتى سەكتورىنىڭ سالىق ينسپەكتورى قىزمەتىنەن باستادى.
2002-2008 جىلدارى الماتى وبلىسى بويىنشا سالىق كوميتەتىندە ءتۇرلى قىزمەتتەر اتقارعان.
2008-2010 جىلدارى – الماتى وبلىسى بويىنشا سالىق دەپارتامەنتى باستىعىنىڭ ورىنباسارى.
2010-2014 جىلدارى قر قارجى مينيسترلىگى سالىق كوميتەتىنىڭ قۇرىلىمىندا باسشىلىق قىزمەتتەر جاسادى.
2014-2018 جىلدارى – قر قارجى مينيسترلىگى مەملەكەتتىك كىرىستەر كوميتەتىنىڭ سولتۇستىك قازاقستان وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى.
2018 جىلعى شىلدە ايىنان باستاپ قازىرگى ۋاقىتقا دەيىن – قر قارجى مينيسترلىگى مەملەكەتتىك كىرىستەر كوميتەتىنىڭ ماڭعىستاۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى.