سەمەي قالاسىندا ءتورت كۇن بۇرىن جوعالعان 30 جاستاعى ەر ازاماتتىڭ ءمايىتى تابىلدى, دەپ حابارلايدى Egemen.kz شقو توتەنشە جاعدايلار دەپارتامەنتى ءباسپاسوز قىزمەتىنە سىلتەمە جاساپ.
شقو تج دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 12 تامىزدا «112» قىزمەتىنە قوڭىراۋ شالعان ازامات سەمەيدەگى ەرتىس وزەنىنەن ەر ادامنىڭ دەنەسى تابىلعانىن حابارلادى.
وقيعا ورنىنا دەرەۋ جەتكەن قۇتقارۋشىلار ءمايىتتى جاعاعا شىعاردى.
«انىقتالعانداي, بۇل 8 تامىزدا جوعالعان 30 جاستاعى جىگىت بولىپ شىقتى. ول دوستارىمەن سۋ جاعاسىندا دەمالىپ ءجۇرىپ جوعالىپ كەتكەن. وزەن جاعاسىنان ونىڭ جەكە زاتتارى تابىلدى», دەپ ءمالىم ەتتى ۆەدومستۆو وكىلدەرى.
وسى ۋاقىتقا دەيىن دەپارتامەنتتىڭ №7 قۇتقارۋ ءبولىمىنىڭ قىزمەتكەرلەرى ىزدەۋ جۇمىستارىن جۇرگىزگەنىمەن, ەر ادامنىڭ دەنەسى تابىلماعان ەدى.