قولدانىستاعى ءتارتىپ بويىنشا مال بورداقىلاۋ الاڭىن قجاساقتاۋعا كەتكەن ينۆەستيتسيالىق شىعىننىڭ ءبىر بولىگىنە سۋبسيديا الۋ ءۇشىن الاڭدا ۇستالاتىن مالدىڭ سانى 5 مىڭنان كەم بولماۋى كەرەك. قر باسەكەلەستىكتى قورعاۋ جانە دامىتۋ اگەنتتىگى اتالعان شارتتى تالاپتى 500 باسقا دەيىن ءتۇسىرۋدى ۇسىنىپ وتىر, دەپ جازادى Egemen.kz قازاقپاراتقا سىلتەمە جاساپ.
باسەكەلەستىكتى قورعاۋ جانە دامىتۋ اگەنتتىگىنىڭ ساراپشىلارى بۇل كورسەتكىشتى وڭىرلەردە ەندى اياقتان تۇرىپ كەلە جاتقان كاسىپكەر-فەرمەرلەر ءۇشىن ۇلكەن كەدەرگى دەپ تانىعان. سول ءۇشىن اتالعان قاعيداعا تۇزەتۋ ەنگىزىپ, «مال بورداقىلاۋعا ارنالعان وبەكتىلەردى قۇرۋ جانە كەڭەيتۋ» جوباسىنىڭ № 5 پاسپورتىنا ءىرى قارا مالدى بىرجولعى كۇتىپ-باعۋ 500 باسقا دەيىن, قويدى دا بىرجولعى كۇتىپ-باعۋ 500 باسقا دەيىن ازايتۋ جولىمەن» كاسىپكەردىڭ ينۆەستيتسيالىق شىعىستاردىڭ ءبىر بولىگىن سۋبسيديالاۋ قاجەت دەگەن نۇسقاۋ بەرىپ وتىر.
«ماسەلە شەشىلۋ ۇستىندە. اتالعان توسقاۋىلدى اگەنتتىك ماماندارى اۋىل شارۋاشىلىعى مينيسترلىگىنىڭ وكىلدەرىمەن بىرگە پىسىقتاپ جاتىر», دەلىنگەن باسەكەلەستىك قورعاۋ جانە دامىتۋ اگەنتتىگىنىڭ تۇسىندىرمەسىندە.