«قاراسورا-2021» جەدەل-پروفيلاكتيكالىق ءىس-شاراسى اياسىندا بىرقاتار ەسىرتكىگە قاتىستى قىلمىستاردىڭ بەتى اشىلدى, دەپ جازادى Egemen.kz Polisia.kz-كە سىلتەمە جاساپ.
سونىڭ ءبىرى, تۇركىستان وبلىسى قازىعۇرت اۋدانىنىڭ تۇرعىنى 1 كەلىدەن استام ماريحۋانانى ساقتاپ كەلگەنى انىقتالىپ, ۇستالدى. بۇل جايت بىردەن قر قك-ءنىڭ 296-بابى (ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) بويىنشا تىركەلدى.
تياناقتى ءتىنتۋ ارەكەتتەرى كەزىندە ەر ادامنىڭ ءۇيىنىڭ اۋلاسىنداعى سارايىنان پوليەتيلەن پاكەتىنە سالىنعان 1 كەلىدەن استام ەسىرتكى زاتى مەن قولدان جاسالعان ەسىرتكى زاتىن شەگۋگە ارنالعان قۇرىلعى تابىلدى. ەسىرتكى زاتىنىڭ قاي تۇرگە جاتاتىنىن ناقتىلاۋ ءۇشىن, تاركىلەنگەن زات ساراپتاماعا جولداندى. ساراپتاما قورىتىندىسىندا ەسىرتكى زاتىنىڭ «كەپتىرىلگەن ماريحۋانا» ەكەنى بەلگىلى بولدى.بۇگىنگى تاڭدا كۇدىكتى قاماۋدا. وعان قاتىستى قازىعۇرت اپب-نىڭ تەرگەۋشىلەرىمەن سوتقا دەيىنگى تەرگەۋ امالدارى جۇرگىزىلۋدە. ءوز مەرزىمىندە تەرگەۋ وقيعانىڭ تولىق ءمان-جايىن انىقتايتىن بولادى.