تۇركيا ەلدىڭ وڭتۇستىك-شىعىسىندا ورمان ورتىنەن زارداپ شەككەن اۋدانداردى ەڭ قىسقا مەرزىمدە قالپىنا كەلتىرۋدى جوسپارلاپ وتىر. بۇل تۋرالى تۇركيا پرەزيدەنتى رەجەپ تايپ ەردوعان CNN Turk جانە Kanal D تەلەارنالارىنا بەرگەن سۇحباتىندا مالىمدەدى, دەپ جازادى Egemen.kz انادولى اگەنتتىگىنە سىلتەمە جاساپ.
«ورتكە ورانعان ورماندار قالپىنا كەلتىرىلەدى. ول جەرلەرگە جاڭا اعاشتار وتىرعىزامىز, قايتادان ورمانعا اينالادى», دەپ مالىمدەدى تۇركيا پرەزيدەنتى.
ەردوعاننىڭ ايتۋىنشا, تابيعي اپاتتان زارداپ شەككەن اۋماقتاردا قۇرىلىس ءبىر ايدان كەيىن باستالادى. ولاردى ءبىر جىلدىڭ ىشىندە اياقتاۋ جوسپارلانىپ وتىر.
پرەزيدەنت ەردوعان سونداي-اق تۇركيا سوڭعى بەس جىلدا ورمان اكتيۆتەرىنىڭ اۋماعىن كوتەرگەن ەلدەر رەيتينگىندە 46-شى ورىننان 27-گە جوعارىلاعانىن اتاپ ءوتتى.