ورمان ءورتىن سوندىرۋگە كومەك كورسەتۋ ءۇشىن اتتانعان قازاقستاندىق تىكۇشاقتار تۇركياعا جەتتى, دەپ جازادى Egemen.kz.
«قازاقستان پرەزيدەنتى قاسىم-جومارت توقاەۆتىڭ تاپسىرماسى بويىنشا تۇرىك حالقىنا باۋىرلاستىق جانە گۋمانيتارلىق كومەك كورسەتۋ اياسىندا 11 تامىزدا ساعات 13.25-تە قر توتەنشە جاعدايلار مينيسترلىگىنىڭ 2 مي-8امت تىكۇشاعى مەن 16 قىزمەتكەرى دالامان قالاسىنا كەلدى», دەدى توتەنشە جاعدايلار مينيسترلىگىنىڭ رەسمي وكىلى تالعات ءۋالي.
ەندى قازاقستان توتەنشە جاعدايلار مينيسترلىگىنىڭ جەكە قۇرامى تۇركيا رەسپۋبليكاسى توتەنشە جاعدايلار مينيسترلىگىنىڭ جەدەل شتابىنا كومەكتەسەدى.