ساباق اراسىنداعى ۇزىلىستەر بۇرىنعىداي بولمايدى

ء«داستۇرلى وقىتۋ فورماتىنا كوشۋ – قاجەتتى شارا. اتا-انالاردىڭ, مۇعالىمدەر مەن مەكتەپ وقۋشىلارىنىڭ باسىم كوپشىلىگى بۇل جاڭالىقتى كوپتەن كۇتتى. جاقىندا ۆەدومستۆوارالىق كوميسسيا جاڭا وقۋ جىلىن ءداستۇرلى فورماتتا باستاۋعا بولادى دەگەن شەشىم قابىلدادى», دەدى ءبىلىم ءمينيسترى.

اسحات ايماعامبەتوۆ وفلاين فورمات بالاباقشالارعا, كوللەدجدەرگە, جوعارى وقۋ ورىندارىنا دا قاتىستى ەكەنىن اتاپ ءوتتى.

«بالالاردىڭ قاۋىپسىزدىگى – ءبىز ءۇشىن ماڭىزدى ماسەلە. ءبىز قاجەتتى ۇيىمداستىرۋشىلىق دايىندىقتى قامتاماسىز ەتۋىمىز كەرەك. سانيتارلىق شەكتەۋلەر, ەڭ الدىمەن, ماسكا رەجيمى. ەكىنشىسى – كۆارتس رەجيمى, دەزينفەكتسيا. ءۇشىنشىسى – سىنىپتىڭ ءبىر عانا كابينەتتە بولۋى, ياعني كابينەتتىك جۇيە جويىلادى. ءبىر سىنىپ بەكىتىلىپ, ءۇزىلىس ءار ءتۇرلى ۋاقىتتا بولادى», دەپ ءتۇسىندىردى قر ءبىلىم ءمينيسترى.