بۇل سۇراققا بۇگىن ۇكىمەت وتىرىسىندا قر ءبىلىم جانە عىلىم ءمينيسترى اسحات ايماعامبەتوۆ جاۋاپ بەردى, دەپ جازادى Egemen.kz
ءبىلىم مەكەمەلەرىندەگى پەداگوگتەردىڭ 93,1 پايىزى كوروناۆيرۋسقا قارسى ەكپە العان. باسقا قىزمەتكەرلەردىڭ 88,4 پايىزى ۆاكتسينا سالدىرعان.
«ستۋدەنتتەردىڭ ۆاكتسينا الۋىن ىنتالاندىرۋ بويىنشا ۋنيۆەرسيتەتتەر ارنايى ءىس-شارالاردى ۇيىمداستىرىپ جاتىر. وقۋ اقىسىن تومەندەتۋ, اقىسىز كۋرستارعا قاتىستىرۋ, جولدامالار مەن باعالى سىيلىقتار بەرۋ سياقتى باستامالار ۋنيۆەرسيتەتتەردە كەڭىنەن قولدانىلۋدا», دەدى اسحات ايماعامبەتوۆ.
ءمينيستردىڭ مالىمەتىنشە, بيىلعى وقۋ جىلىندا پەداگوگتەردىڭ قاتارىن 12 مىڭنان استام جاس مامان تولىقتىرماق. ولاردىڭ باسىم بولىگى اقتوبە, تۇركىستان, جامبىل وبلىستارىنداعى ءبىلىم مەكەمەلەرىندە قىزمەتىن باستايدى.
«جاڭا وقۋ جىلىنداعى 1-سىنىپتىڭ بولجامدى كونتينگەنتى 380 مىڭ بالا بولادى دەپ ەسەپتەيمىز. ونىڭ 97 پايىزى ەلەكتروندى تۇردە 1 تامىزعا دەيىن قۇجاتتارىن تاپسىردى», دەدى مينيستر.