جامبىل وبلىسى بايزاق اۋدانىنىڭ اكىمى باقىت قازانباسوۆ ەلدەگى كۇردەلى ەپيدەميولوگيالىق جاعدايعا قاراماستان, مەرەيتويىن وتكىزگەن. الەۋمەتتىك جەلىدە تويدا تۇسىرىلگەن ۆيدەو پايدا بولدى, دەپ جازادى Egemen.kz.
«قر اقبتك 802-بابى 1-تارماعىنىڭ 3-تارماقشاسىنا سايكەس, كارانتين رەجيمىنە باعىنباعانى ءۇشىن اكىمشىلىك قۇقىق بۇزۋشىلىق تۋرالى ءىس قوزعالدى. بايزاق اۋدانىنىڭ اكىمى ب.قازانباسوۆ پەن «باق ساراي» مەيرامحاناسىنىڭ يەسىنە قاتىستى وسى كودەكستىڭ 425-بابىنىڭ 1-بولىگى بويىنشا ايىپپۇل سالىندى», دەپ تۇسىندىرەدى جامبىل وبلىسى بويىنشا سانيتارلىق -ەپيدەميولوگيالىق باقىلاۋ دەپارتامەنتىنىڭ ءباسپاسوز قىزمەتى.
كارانتيندى بۇزعانى اۋدان اكىمىنە 30 اەك (87 مىڭ تەڭگەدەن استام) ايىپپۇل سالىندى. ال مەيرامحانا يەسى 230 اەك (670 مىڭ تەڭگەدەن استام) تولەۋى كەرەك.