ماڭعىستاۋ وبلىسىندا قىسقى مال ازىعىن دايىنداۋعا 5,3 ملرد تەڭگە ءبولىندى, دەپ حابارلايدى Egemen.kz وبلىس اكىمدىگىنىڭ ءباسپاسوز قىزمەتىنە سىلتەمە جاساپ.
«ۇكىمەت باسشىسىنىڭ تاپسىرماسى بويىنشا 5,3 ملرد تەڭگە ءبولىندى, ونىڭ 1,9 ملرد تەڭگەسى ءشوپ ساتىپ الۋعا, ال قالعان 3,4 ملرد تەڭگە جەم ساتىپ الۋعا باعىتتالادى. وسىلايشا, وبلىستا قىس مەزگىلىنە ارنالعان جەم-ءشوپ قورىن قالىپتاستىرۋ جوسپارلانىپ وتىر. سونىمەن قاتار, ءار اۋداندا وپەراتورلار انىقتالدى, رەسپۋبليكانىڭ باسقا ايماقتارىنان ءشوپ تاسۋعا دايىندىق ءجۇرىپ جاتىر», دەپ جازىلعان حابارلامادا.
ايتا كەتەيىك, پرەمەر-مينيستر اسقار مامين جاقىندا ماڭعىستاۋ وبلىسىنا جاساعان ساپارىندا شارۋا قوجالىقتارىنا ءشوپتى قولجەتىمدى باعامەن ساتىپ الۋعا جانە جەتكىزۋگە قوسىمشا قاراجات بولىنەتىنىن ايتقان بولاتىن.