پرەزيدەنت قاسىم-جومارت توقاەۆ ناتاليا سلەكيشيناعا راقىمشىلىق جاسادى. اقپاراتتى پرەزيدەنت جانىنداعى راقىمشىلىق جاساۋ ماسەلەلەرى جونىندەگى كوميسسيا مۇشەسى, ادام قۇقىقتارى جونىندەگى ۋاكىل ەلۆيرا ءازىموۆا راستادى, دەپ حابارلايدى Egemen.kz.
«كوپ جاعدايدا راقىمشىلىق جاساۋ كەزدەيسوق قىلمىس جاساعان ادامدارعا قولدانىلادى. ناتاليا سلەكيشينا جاعدايىندا راقىمشىلىق جاساۋ اكتىسى قۇقىق قورعاۋ ورگاندارىنىڭ قىزمەتكەرلەرى تاراپىنان وعان جاسالعان زورلىق-زومبىلىق دەرەگىن مەملەكەتتىڭ مويىنداۋىمەن دە بايلانىستى. تۇرمەدەگى زورلى-زومبىلىق بۇكىل الەمدە ادامعا تاۋەلدى جاعدايىن قولدانا وتىرىپ, قاتىگەزدىك جاساۋ فورمالارىنىڭ ءبىرى سانالادى», دەدى ەلۆيرا ءازىموۆا.
قازاقستانداعى ادام قۇقىقتارى جونىندەگى ۋاكىل ناتالياعا قاتىستى بارلىق ءمان-جاي نازارعا الىنعانىن, وسىعان بايلانىستى بۇرىن سوت قىلمىستىق جازانى ورىنداۋدى كەيىنگە قالدىرۋ تۋرالى شەشىم قابىلداعانىن قوستى.
«سول كەزدەن باستاپ بەس جىل بويى ول ءوزىن ۇلگىلى انا رەتىندە كورسەتىپ, ءوز بەتىنشە جۇمىسقا ورنالاستى جانە ەكونوميكالىق تۇرعىدان ءوزىن-ءوزى قامتاماسىز ەتتى. پروباتسيالىق باقىلاۋ كەزەڭىندە ونىڭ مىنەز-قۇلقىنا شاعىمدار تۇسكەن جوق. قازاقستان پرەزيدەنتى قابىلداعان راقىمشىلىق جاساۋ اكتىسى - بۇل مەيىرىمدىلىك پەن ىزگىلىك, مەملەكەت تاراپىنان سەنىم اكتىسى», دەپ قوستى ەلۆيرا ءازىموۆا.
ونىڭ ايتۋىنشا, ءىىم تاراپىنان وسى جاعدايدان ءتيىستى ساباق الۋ وتە ماڭىزدى. مۇنداي قىلمىستارعا جول بەرمەۋ جانە ولاردى جاساعانى ءۇشىن كىنالىلەردى قاتاڭ جازالاۋ شارالارى قابىلدانادى.«قازىرگى ۋاقىتتا ءىىم تۇبەگەيلى رەفورمالاردى, سونىڭ ىشىندە پەنيتەنتسيارلىق جۇيە ىسكە اسىپ جاتىر. جۇرگىزىلىپ جاتقان رەفورمالار ازاماتتاردىڭ قادىر-قاسيەتىنە قول سۇعۋدىڭ مۇنداي جاعدايلارىن بولدىرماۋعا مۇمكىندىك بەرەدى دەپ ۇمىتتەنەمىز», دەپ قورىتىندىلادى ومبۋدسمەن.
2015 جىلدىڭ مامىرىندا ناتاليا سلەكيشين سەگىز جىلعا باس بوستاندىعىنان ايىرىلعان. ول ء«ىرى مولشەردە م ۇلىكتى ۇرلاۋ ءۇشىن جاسالعان قاراقشىلىق» بابى بويىنشا كىنالى دەپ تانىلعان.