دەنساۋلىق ساقتاۋ ءمينيسترى الەكسەي تسوي ۇكىمەتتىڭ كەزەكتى وتىرىسىندا ەلىمىزدەگى ەپيدجاعداي تۋرالى باياندادى, دەپ حابارلايدى Egemen.kz.
ءمينيستردىڭ ايتۋىنشا, اۋرۋحانالارىنداعى توسەك-ورىن 56 پايىزعا تولىپ تۇر.
«ەپيداحۋالدى باقىلاۋ ماتريتساسىنا سايكەس, قازاقستان رەسپۋبليكاسى 26 ماۋسىمنان بەرى «قىزىل» ايماقتا. 3 تامىزداعى جاعداي بويىنشا, اۋرۋحانالارداعى توسەك-ورىننىڭ 56 پايىزعا تولىپ تۇر. الماتى, شىمكەنت قالالارى مەن اتىراۋ, قاراعاندى وبلىستارى «قىزىل-قوڭىر» ايماقتا تۇر», دەدى تسوي ۇكىمەت وتىرىسىندا.
مينيستر قازاقستان بۇعان دەيىن جاسالعان بولجام بويىنشا وپتيميستىك ستسەناريمەن كەلە جاتقانىن اتاپ ءوتتى.
«تامىز-قىركۇيەك ايلارىنداعى ەپيداحۋالعا بولجام جاسايتىن بولساق, ءبىز وپتيميستىك ستسەناري بويىنشا كەلە جاتىرمىز. وپتيميستىك ستسەناريدىڭ الداعى دامۋى كارانتين رەجيمىن ساقتاپ, ۆاكتسيناتسيا قارقىنىن كوبەيتۋمەن بايلانىستى بولادى», دەدى مينيستر.