ىشكى ىستەر مينيسترلىگى ينتەرنەتتە, الەۋمەتتىك جەلىلەر مەن مەسسەندجەرلەردە ورنالاستىرىلاتىن جالعان قۇجاتتاردى ساتۋ جونىندەگى حابارلاندىرۋلاردى انىقتايتىن جانە پىسىقتايتىن ارنايى مونيتورينگتىك توپتار قۇردى.
مونيتورينگ ناتيجەلەرى بويىنشا پوليتسيا وسىنداي 46 جارنامانى انىقتادى, وندا بەلگىلى ءبىر سوماعا جالعان ۆاكتسينالاۋ پاسپورتتارى نەمەسە وڭ نەمەسە تەرىس تەست ناتيجەلەرى بار تالداۋ نىساندارى ۇسىنىلادى.
وسى رەسۋرستاردا رەسەي فەدەراتسياسىندا, ۋكراينادا, ءۇندىستاندا جانە اقش اۋماعىندا ساتىلاتىن مەديتسينالىق انىقتامالار مەن ۆاكتسينالاۋ سەرتيفيكاتتارى تۋرالى حابارلاندىرۋلار تاراتىلادى.
مىسالى, رەسەي فەدەراتسياسىندا جالعان سەرتيفيكاتتار 7–20 مىڭ رۋبلگە, پتر-تەستتەن وتكەنى نەمەسە انتيدەنەلەردىڭ بولۋى تۋرالى انىقتاما 550-دەن 4,5 مىڭ رۋبلگە دەيىن باعالانادى. ءۇندىستان بويىنشا ۆاكتسينالاۋ تۋرالى سەرتيفيكاتتار 5 مىڭ رۋپيدەن (شامامەن 30 مىڭ تەڭگە) ۇسىنىلادى.
سونىمەن قاتار انىقتالعان حابارلاندىرۋلاردان ماماندار, نەگىزىنەن, الدىن الا تولەم الۋعا باعىتتالعان الاياقتىق سحەمالاردى ءجىتى قاداعالايدى.
ۆاكتسينالاۋدىڭ 1-ءشى كەزەڭىنەن وتكەندىگى تۋرالى راستاۋ تۋرالى حابارلامانى الاياقتار مەملەكەتتىك ورگانداردىڭ رەسمي رەسۋرستارىنا جاتپايتىن بوگدە پوشتا جاشىكتەرىنەن جىبەرەدى. سودان كەيىن ولار 2 كەزەڭ ءۇشىن الدىن الا تولەمدى تالاپ ەتەدى, سودان سوڭ جوعالىپ كەتەدى.
بىرقاتار جاريالانىمدى تەكسەرۋ بارىسىندا الاياقتاردىڭ شەتەلدىك بانكتەردىڭ كارتالارىن قولدانعانى انىقتالدى. ال «ساتۋشىلار» ۇنەمى وزگەرىپ تۇراتىن ۆيرتۋالدى تەلەفون نومىرلەرىن ءجيى قولدانادى.
الدانعان ادامدار قۇقىق قورعاۋ ورگاندارىنا جۇگىنبەيدى, ويتكەنى ولاردىڭ وزدەرى جالعان قۇجاتتاردى ساتىپ الۋ ارقىلى زاڭدى بۇزۋعا تىرىسادى.
انىقتالعان شەتەلدىك رەسۋرستار قازاقستاندىق پايدالانۋشىلاردىڭ قولجەتىمدىلىگىن بولدىرماۋ ءۇشىن ۋاكىلەتتى ورگانعا جىبەرىلەدى.
وسىعان بايلانىستى ءىىم ازاماتتارعا قىلمىستىق پروتسەسكە قاتىسۋشى بولۋعا جول بەرمەۋگە جانە تۋىستارى مەن جاقىندارىن وسىنداي ارەكەتتەردەن قورعاۋعا شاقىرادى.
«ەگەمەن-اقپارات»