نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ قويماسىنا وتاندىق ۆاكتسينانىڭ 10 مىڭ دوزاسى جەتكىزىلدى, دەپ حابارلايدى Egemen.kz.
وتاندىق ۆاكتسينانىڭ ءبىرىنشى كومپونەنتتىڭ 5 مىڭ دوزاسى مەن ەكىنشى كومپونەنتتىڭ 5 مىڭ دوزاسى قالالىق ەمحانالار مەن ولارعا بەكىتىلگەن سوو, ءسۇ, وتباسىلىق دەنساۋلىق ورتالىقتارى اراسىندا بولىنگەن.
سونداي-اق, QazVac-تى «مەديكەر استانا», «مەديكەر پەدياتريا», «وتباسىلىق دارىگەرلەر كلينيكاسى» مەن UMC كورپوراتيۆتىك قورىندا الۋعا بولادى.
«جەرگىلىكتى ۆاكتسينا ۇزاق ۋاقىت بويى بولعان جوق. ازاماتتاردىڭ ءبىر بولىگى بۇل ۆاكتسينانىڭ جەتكىزىلۋىن كۇتتى, ال قازىر ول بار. ايتا كەتەيىك, بارلىق ۆاكتسينالار دەنساۋلىق ساقتاۋ مينيسترلىگىنىڭ «سك-فارماتسيامەن» بىرگە بەرگەن تاپسىرىسى مەن كەستەسىنە سايكەس تاراتىلادى. 10 مىڭ دوزا ءتىزىم بويىنشا ۆاكتسيناتسيالاۋ پۋنكتتەرىنە تاراتىلدى. بۇگىن-ەرتەڭ ماماندار ولاردى ەگۋ پۋنكتتەرىنە اپارۋى كەرەك», دەدى قالالىق دەنساۋلىق ساقتاۋ باسقارماسى.