جەكە دەرەكتەر جەلىگە تاراپ كەتتى

بۇل تۋرالى «مەملەكەتتىك تەح­نيكالىق قىزمەت» اق-نىڭ KZ-CERT كومپيۋتەرلىك ينتسيدەنت­تەرگە ارەكەت ەتۋ قىزمەتى حابارلادى.

«مەملەكەتتىك تەحنيكالىق قىزمەت» اق KZ-CERT كومپيۋ­تەرلىك ينتسيدەنتتەرگە ارەكەت ەتۋ قىز­مەتى ينتەرنەتتىڭ قازاق­ستان­دىق سەگمەنتىنە مونيتورينگ جاساۋ بارىسىندا Telegram-اك­كاۋنت­تاردىڭ بىرىنەن Telegram مەسسەندجەرىن قولدانۋشىلاردىڭ جەكە دەرەكتەرى تۋرالى 744 مىڭ جازبا جيناقتالعان فايلدى تاپتى. تالداۋ بارىسىندا فايلدا قولدانۋشىنىڭ ID-ءى, اتى, تەگى, تەلەفون ءنومىرى جانە ء«وزىم تۋرالى» باعانىنداعى قولدانۋشىنىڭ جازباسى سىندى جەكە دەرەكتەر بار ەكەنى انىقتالدى. ونىڭ ىشىندە 30 مىڭ اككاۋنت قازاقستاندىق تەلەفون نومىرلەرىنە تىركەلگەن بولىپ شىقتى», دەپ مالىمدەدى «مەم­لەكەتتىك تەحنيكالىق قىز­مەت» اق KZ-CERT ءباسپاسوز قىزمەتى.

فايل تابىلعان Telegram-ار­نانىڭ اۆتورى ونى  «گلاز بوگا» پلات­فورماسىنىڭ كليەنتتەر بازاسىنان دەپ بەرگەن. بۇل ارنانىڭ 1 ملن-نان استام قولدانۋشىسى بار. تمد ەلدەرىندەگى ەڭ ءىرى سەر­ۆيس بولىپ سانالاتىن كانال اقپاراتتاردى الەۋمەتتىك ج­ەلىلەردەن, مەسسەندجەرلەردەن سۇراۋ سالۋ ارقىلى جانە ىزدەۋ جۇيەلەرى سە­كىلدى باسقا دا دەرەك­كوزدەردەن جي­ناقتايدى.

دەربەس دەرەكتەردىڭ وسىلاي جەلىگە تارالىپ كەتۋى يەسىنە زيان كەلتىرەدى. مۇنداي جەكە دەرەكتەردى بوگدە ادامدار الەۋمەتتىك ينجە­نەريادا اقپارات الۋ قۇرالى رە­تىندە قولدانۋى نەمەسە جەكە بانك­تىك دەرەكتەردى الۋ ماقساتىندا قو­ڭىراۋلار سوعۋ, حابارلامالار جو­نەلتۋ رەتىندە پايدالانۋى مۇمكىن.

«وسىعان بايلانىستى ينتەر­نەتتىڭ بارلىق سەگمەنتىن پايدالانۋشى  قازاقستاندىقتارعا ايتارىمىز, كيبەرگيگيەنانى قاتاڭ ساقتاڭىزدار. ينتەرنەتتە جەكە دەربەس دەرەكتەردى ەنگىزۋ كەزىندە اسى­رەساق بولىپ, قىراعىلىق تانىتقان ءجون جانە ءۇشىنشى تۇلعالارعا جەكە دەرەكتەر تۋرالى اقپاراتتى تاراتپاۋىن سۇرايمىز», دەيدى ماماندار.

ەسكە سالا كەتسەك, كومپيۋ­تەرلىك ينتسيدەنتتەرگە ارەكەت ەتۋ ور­تالىعى (KZ-CERT) – كوم­پيۋ­تەرلىك قاۋىپ­سىزدىك قاۋىپتەرىنىڭ الدىن الۋدا پايدالانۋشىلارعا كون­سۋل­تاتيۆ­تىك جانە تەحنيكالىق قولداۋدى, كومپيۋتەرلىك ينتسيدەنتتەر جو­نىندەگى اقپاراتتاردى جيناۋ مەن تالداۋدى قامتاماسىز ەتەتىن بىرىڭعاي ورتالىق.

«ەگەمەن-اقپارات»