ارىستاعى وق قويمادان شىققان جارىلىسقا بايلانىستى ايىپتالعانداردىڭ ىسىنە نۇكتە قويىلدى. سوت ىسىندە 16 ادامعا ۇكىم وقىلدى, دەپ حابارلايدى Egemen.kz 24.kz سايتىنا سىلتەمە جاساپ.
ولاردىڭ 12-سىنە 4 پەن 10 جىل ارالىعىندا باس بوستاندىعىنان ايىرۋ جازاسى بەرىلسە, تورتەۋى 7 جىلعا دەيىن شارتتى تۇردە سوتتالدى. تەمىر تورعا توعىتىلعانداردىڭ ءبىرى ۇكىممەن كەلىسپەدى. قالعاندارى پىكىر بىلدىرۋدەن باس تارتقان.
الايدا سوت وتىرىسىندا جابىرلەنۋشىلەردىڭ بازىناسى نازاردان تىس قالدى. ولار وتەماقى تولەنبەگەنىن ايتىپ نارازى. بۇعان دەيىنگى جابىق سوت وتىرىسىندا 1 مىڭ 500 ادام جابىرلەنۋشى دەپ تانىلعان بولاتىن.