اقش حايۋاناتتار باعىندا سيرەك كەزدەسەتىن قار بارىسى كوروناۆيرۋس جۇقتىردى, دەپ حابارلايدى Egemen.kz Centre Daily-گە سىلتەمە جاساپ.
وتكەن بەيسەنبىدە جابايى تابيعاتتى قورعاۋ ماماندارى راميل ەسىمدى 9 جاسار قار بارىسىنىڭ جوتەلىپ, مۇرنىنان سۋ اققانىن بايقادى. مەديتسينالىق ساراپتامالار جىرتقىشتىڭ COVID-19 ينفەكتسياسىن جۇقتىرعانىن راستادى.
سان-ديەگو حايۋاناتتار باعىنىڭ قىزمەتكەرلەرى بارىستىڭ كوروناۆيرۋستى قالاي جۇقتىرعانىن بىلمەيتىندەرىن ايتتى. قاڭتار ايىندا ولار ءوز جانۋارلارىن تازارتىلعان دونورلىق رەكومبينانتتى ۆاكتسينالارمەن ۆاكتسيناتسيالاي باستاعان. الايدا, بۇل جىرتقىش ءالى ەگىلمەگەن.
راميل ۇرعاشىسى مەن ەكى امۋر بارىسىمەن بىرگە تۇرادى. حايۋاناتتار باعىنىڭ وكىلدەرى قالعان جانۋارلاردى دا COVID-19 جۇقتىرىپ, كارانتينگە جاتقىزىلۋى مۇمكىن دەيدى.
ولاردىڭ ايتۋىنشا, قازىر بارىس ءوزىن جاقسى سەزىنەدى جانە ۆيرۋستىڭ باسقا بەلگىلەرى بايقالعان جوق.
بۇدان بۇرىن ءۇندىستاننىڭ وڭتۇستىگىندە ورنالاسقان حايداراباد قالاسىنداعى حايۋاناتتار باعىندا سەگىز ارىستاننان كوروناۆيرۋس تابىلعان بولاتىن.