دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى, دارىگەر تەدروس گەبرەيەسۋس جەنەۆادا بۇگىن وتكەن بريفينگتە كوروناۆيرۋستىڭ مۋتاتسيالانىپ, الەمدىك ەكونوميكاعا قاۋىپ توندىرە باستاعانىن مالىمدەدى, دەپ جازادى Egemen.kz بۇۇ جاڭالىقتار ورتالىعى تاراتقان دەرەكتەرگە سىلتەمە جاساپ.
ونىڭ ويىنشا, ۆاكتسينانى تاراتۋدىڭ دۇرىس ۇيىمداستىرىلماۋى جاعدايدى ۋشىقتىرىپ جىبەرگەن.
«ادامزات تاريحىندا اۋىر كەزەڭدى باستان وتكەردىك. COVID-19 دەرتىنەن 4 ميلليون ادام قايتىس بولدى. بۇل تەك رەسمي مالىمەتتەر», دەدى بۇگىنگى ءباسپاسوز ءماسليحاتىن اشقان دارىگەر تەدروس گەبرەيەسۋس.
تەدروس گەبرەيەسۋس ءوز ازاماتتارىنىڭ كوپشىلىگىن ۆاكتسيناتسيالاۋعا ۇلگەرگەن كەيبىر ەلدەر ينفەكتسياعا قارسى يممۋندىق قورعانىستى كۇشەيتۋى كەرەك ەكەنىن, قوسىمشا ۆاكتسيناتسيا ناۋقانىن باستاۋدى جوسپارلاپ وتىرعانىن اتاپ ءوتتى. بۇل ەلدەر, دارىگەر تەدروس ناقتىلاپ وتكەندەي, شەكتەۋلەردى الىپ تاستاپ, پاندەمياعا دەيىنگى ۋاقىتقا قايتا ورالادى.
«جاڭا شتامداردىڭ تەز تارالۋى جانە ۆاكتسينالاردىڭ بۇكىل الەم بويىنشا تارالۋى كەزىندەگى ايقىن تەڭسىزدىكتەر كوپتەگەن ەلدەردە اۋرۋدىڭ ورشۋىنە جانە اۋرۋحاناعا جاتقىزۋ دەڭگەيىنىڭ جوعارىلاۋىنا اكەلىپ سوقتىردى.
سودان كەيىن ءبىز تاعى دا وتتەگى تاپشىلىعى مەن تەراپيا ماسەلەسىمەن اينالىسامىز. بۇل جاعداي ازيا جانە لاتىن امەريكاسىنىڭ كەيبىر ەلدەرىندە ءولىم-ءجىتىمنىڭ كوبەيىپ كەتۋىنە جول اشادى», دەپ اتاپ ءوتتى ددۇ وكىلى.
ول سونداي-اق «ۆاكتسينا تاقىرىبىن ۇلتشىلداندىرىپ العان ەلدەردىڭ» جاعدايىنا دا توقتالىپ ءوتتى.
«پاندەميانىڭ وسى كەزەڭىندە الەمنىڭ كەيبىر ەلدەرىندە ميلليونداعان مەديتسينا قىزمەتكەرلەرىنە ءالى ۆاكتسينا ەگىلمەگەنى الاڭداتادى», دەيدى دارىگەر تەدروس.
ددسۇ مالىمەتتەرى بويىنشا, وتكەن اپتادان بەرى كەيبىر ەلدەردە COVID-19 دەرتىنە شالدىققان ادامدار تۋرالى دەرەكتەردە ازداعان وزگەرىس بار. وسى دەرتتەن قايتىس بولعاندار سانى ازايىپ كەلەدى.
بۇكىل الەمدە COVID-19-دىڭ 183 ميلليوننان استام جاعدايى تىركەلگەن. وڭتۇستىك جانە سولتۇستىك امەريكا ەلدەرىندە دەرتتى جۇقتىرعاندار قاتارى ءوسىپ كەلەدى. سونداي-اق ەو ەلدەرىندە دە اۋرۋ دەڭگەيىنىڭ وسكەنى بايقالادى.
ددۇ باسشىسى ايتىپ وتكەندەي, COVID-19–دىڭ بەتالىسى ازىرگە ادامزاتقا قول جەتىمدى ۆاكتسينانىڭ الدىن وراپ كەتىپ تۇر.