2021 جىلدىڭ قاڭتار-ماۋسىم ايلارىندا جۇك تاسىمالى كولەمى وتكەن جىلدىڭ وسى كەزەڭىمەن سالىستىرعاندا 3,5%-عا, ياعني 126 ملن تونناعا ۇلعايدى. ەل اۋماعىندا 81 ملن توننادان استام جۇك تاسىمالدانسا, بۇل 2020 جىلدىڭ وسى ۋاقىتىمەن سالىستىرعاندا 2,4%-عا جوعارى.
«قازاقستان تەمىر جولى» ۇك» اق مالىمەتىنە سۇيەنسەك, ەكسپورتقا 44,7 ملن توننا تيەلىپ, وتكەن جىلعا قاراعاندا ءوسىم 5,5% بولدى.
ءبىرىنشى جارتىجىلدىقتا تاس كومىر تيەۋ 51,5 ملن توننانى قۇرادى, بۇل وتكەن جىلدىڭ 6 ايىمەن سالىستىرعاندا 4%-عا ارتىق. ونىڭ ىشىندە رەسپۋبليكا بويىنشا 36,3 ملن تونناسى تاسىمالدانسا, مۇنىڭ بىلتىرعىعا قاراعاندا ءوسىمى 8,9% بولعان.
قازاقستان تەمىر جولى جەلىسىندەگى ەكىنشى الەۋمەتتىك ماڭىزى بار جۇك – استىق تيەۋ ەكەنى بەلگىلى. بۇل 2020 جىلدىڭ ءبىرىنشى جارتىجىلدىعىنا قاراعاندا 11,5%-عا ءوسىپ, 4,7 ملن توننانى قۇرادى. ال ەكسپورتقا 3,5 ملن توننا جونەلتىلگەن. وسىلايشا, بۇل كورسەتكىش وتكەن جىلعا قاراعاندا 19%-عا ارتىپ وتىر.
وتكەن جىلعا قاراعاندا قارا مەتالداردى تيەۋ كولەمى 9,5%-عا – 2,6 ملن تونناعا دەيىن, مۇناي جۇكتەرى 7,4%-عا, ياعني 8,5 ملن تونناعا دەيىن ۇلعايدى. تەمىر كەنىن تاسىمالداۋ سالاسىندا دا وڭ قارقىن بايقالدى. بۇل 9,1%-عا, ياعني 13,7 ملن تونناعا دەيىن ءوسىم كورسەتتى.
ەسەپتى كەزەڭدە ءتۇستى كەندى تيەۋ 2020 جىلعى قاڭتار-ماۋسىم دەڭگەيىندە قالدى جانە 11,3 ملن توننانى قۇرادى.
2021 جىلعى ماۋسىمدا «قتج» ۇك» اق بويىنشا تيەۋ 21,2 ملن توننانى قۇرادى, بۇل وتكەن جىلعى ماۋسىمداعى كورسەتكىش دەڭگەيىنەن 2,9%-عا جوعارى.
«ەگەمەن-اقپارات»