Vir Biotechnology جانە تەمپل ۋنيۆەرسيتەتىنىڭ گەنوميكا جانە ەۆوليۋتسيالىق مەديتسينا ينستيتۋتىنىڭ عالىمدارى ماتەماتيكالىق ەسەپتەۋلەر نەگىزىندە كوروناۆيرۋستىق مۋتاتسيانى بولجاۋعا مۇمكىندىك بەرەتىن مودەل جاسادى, دەپ حابارلايدى Egemen.kz.
عالىمداردىڭ بولجامىنا سايكەس, الداعى ءتورت ايدا 22 جاڭا SARS-Cov-2 مۋتاتسياسى پايدا بولادى. سونىمەن قاتار ساراپشىلار كوروناۆيرۋستىڭ بۇكىل الەمگە كەڭ تارالاتىن جانە پاندەميانىڭ ءار ءتۇرلى كەزەڭدەرىندە ارەكەت ەتەتىن وزگەرىستەرىن ەسكەرەدى.
مودەلدىڭ كوروناۆيرۋستىڭ جاڭا مۋتاتسياسى تارالماي تۇرىپ بەس اي بۇرىن بولجاي الاتىندىعى ناقتىلانعان. جاڭا مودەلدىڭ كومەگىمەن عالىمدار بۇعان دەيىنگى ۆيرۋس شتامدارىنان بولەك, L452R, P618R, E484Q مۋتاتسياسىن دا بولجادى. ياعني بۇل ولاردىڭ ۇندىلىك «Delta» شتامى الەمگە جايىلماي تۇرىپ, ونىڭ تۋىندايتىنىن بولجاعان دەگەندى بىلدىرەدى.