ەلوردادا الەمگە تانىمال امەريكالىق رەجيسسەر وليۆەر ستوۋن پروديۋسەرلىك ەتكەن «Qazaq. التىن ادام تاريحى» اتتى ءفيلمنىڭ تۇساۋكەسەرى ءوتتى, دەپ حابارلايدى Egemen.kz.
ءفيلمنىڭ العاشقى كورسەتىلىمىن اۆتورلارمەن بىرگە اقپارات جانە قوعامدىق دامۋ ءمينيسترى ايدا بالاەۆا, مادەنيەت جانە سپورت ءمينيسترى اقتوتى رايىمقۇلوۆا, «قازاقفيلم» اكتسيونەرلىك قوعامىنىڭ پرەزيدەنتى اقان ساتاەۆ, ءماجىلىس دەپۋتاتتارى جانە وزگە دە مادەنيەت پەن ونەر مايتالماندارى تاماشالادى. كورسەتىلىمنەن كەيىن ءفيلمنىڭ رەجيسسەرى يگور لوپاتەنوك باستاعان شىعارماشىلىق توپقا قۇرمەت كورسەتىلدى.
ء«بىزدىڭ مادەني, رۋحاني ومىرىمىزدە تاعى ءبىر ۇلكەن جوبا ىسكە استى. تاۋەلسىزدىگىمىزدىڭ 30 جىلدىعى قارساڭىندا ارقايسىمىزدىڭ تاريحىمىز وسى ءبىر كىشكەنتاي تۋىندىدا كوز الدىمىزدان ءوتتى. سوندىقتان مۇنداي تۋىندىلار كوپ بولۋى كەرەك دەپ ويلايمىن. ويتكەنى بۇل – تانىمدىق, ۇلكەن ماتەريال. تۋىندى ەلباسىمىزدىڭ تاۋەلسىز قازاقستاننىڭ ءوسىپ-وركەندەۋىندەگى, قالىپتاسىپ نىعايۋىنداعى ءرولىن اسا ايقىن كورسەتىپ ءوتتى. سوندىقتان مۇنداي تۋىندىلاردى تەك ىشكى اۋديتورياعا عانا ەمەس, شەتەلدە ناسيحاتتاپ, كورسەتۋ وتە ماڭىزدى», دەدى اقپارات جانە قوعامدىق دامۋ ءمينيسترى ايدا بالاەۆا كورسەتىلىمنەن كەيىن.
مينيستر تاۋەلسىز قازاقستاننىڭ تاعدىرشەشتى وقيعالارعا تولى اۋقىمدى تاريحىنان فيلم جيناقتاپ شىعارۋ وڭاي بولماعانىن اتادى.
«شىعارماشىلىق توپقا وسى ەڭبەگى ءۇشىن العىس ايتقىم كەلەدى. مەن بۇنىڭ وتە اۋقىمدى ماتەريال بولعانىن, ونى جيناقتاۋ وتە قيىنعا تۇسكەنىن بىلەمىن. ويتكەنى تاۋەلسىزدىك جىلدارىنداعى ءاربىر ءساتتى, ءاربىر وقيعانى بويىنان وتكىزىپ قابىلداعان تۇڭعىش پرەزيدەنتتىڭ اۋزىنان شىققان ءاربىر مالىمەت ماڭىزدى, قىزىقتى بولدى دەپ ويلايمىن. وسىنشاما اۋقىمدى ماتەريالدىڭ اراسىنان تاماشا فيلم ىقشامداپ الىپ شىعۋ – ۇلكەن ەڭبەك. فيلم وتە ءساتتى شىققان. سوندىقتان اۆتورلارىنا العىسىمدى جەتكىزە وتىرىپ, ءارى قاراي دا شىعارماشىلىق تابىستارعا جەتە بەرۋدى تىلەيمىن», دەدى ايدا بالاەۆا.