تاۋەلسىز قازاقستاننىڭ تاريحىنداعى الەۋمەتتىك-ساياسي ماڭىزى بار جوبالاردىڭ ءبىرى «سەرپىن» باعدارلاماسى 2014 جىلدان بەرى جۇزەگە اسىپ كەلەدى. وسى ۋاقىتقا دەيىن باعدارلاما اياسىندا سولتۇستىك قازاقستان وبلىسىنا وڭتۇستىكتەن 7 مىڭنان اسا جاس كەلدى.
بۇل مالىمەتتى Facebook-تە جازعان سولتۇستىك قازاقستان وبلىسىنىڭ اكىمى قۇمار اقساقالوۆ ەلباسى باستاماسىمەن قولعا الىنعان «سەرپىن» باعدارلاماسىن ءساتتى جوبا رەتىندە اتاپ ءوتتى.اكىمنىڭ ايتۋىنشا, 7 جىلدا وڭىرگە وڭتۇستىك وبلىستاردان 2 مىڭنان اسا قىز-جىگىت كەلدى. ولار جاتاقحانامەن قامتاماسىز ەتىلدى, تەگىن ءارى ساپالى ءبىلىم الۋدا. بۇگىندە مىڭعا جۋىق جاس ديپلوم الدى. سەرپىندىكتەردى ەڭبەكپەن قامتۋ ءۇشىن كومەك كورسەتىلەدى. ۋنيۆەرسيتەت تۇلەكتەرىنىڭ 92%-ى وبلىستا قالىپ, جۇمىسقا تۇردى. مىسالى, وسى جىلدىڭ تۇلەكتەرى وڭىردە جاڭا اشىلىپ جاتقان كاسىپورىندارعا جۇمىسقا ورنالاسۋدا. جاڭا ەلەكترتەحنيكالىق زاۋىتىنا 31 سەرپىندىك جۇمىسقا الىندى. ءتورت تۇلەك CLAAS اۋىل شارۋاشىلىعى تەحنيكاسى زاۋىتىنا قابىلداندى. تۇلەكتەر اۋىل شارۋاشىلىعى, قۇرىلىس, ەنەرگەتيكا, ءبىلىم بەرۋ, تەمىر جول سالالارىنىڭ دامۋىنا ءوز ۇلەستەرىن قوسۋدا.سەرپىندىكتەردىڭ وبلىستا قالىپ, ەلگە قىزمەت ەتۋىنە بار جاعداي جاسالۋدا. «سەرپىن» تۇلەكتەرى سولتۇستىكتە شاڭىراق كوتەرىپ, وتباسى قۇرىپ جاتىر. جاس وتباسىلاردا 10 كىشكەنتاي ازامات دۇنيەگە كەلدى.
«ەگەمەن-اقپارات»