اتى جامان ىندەت, ادامزاتتى الاساپىران كۇيگە سالعان ەكى جىل ىشىندە قازاققا قالتقىسىز قىزمەت قىلعان نەبىر تارلانداردى ارامىزدان الىپ كەتتى. سونداي ءىرى ازاماتتاردىڭ قاتارىندا 25 جىلدان استام ۋاقىت بويى قازاقستاننىڭ ءتۇرلى باق-تارىندا ەسەلى ەڭبەك ەتكەن ميحايل دوروفەەۆ بولدى.
قىرىق توعىز جىل عۇمىرىندا قازاقستاندىق بەلگىلى جۋرناليست, Informburo.kz سايتى مەن 31 ارناداعى «ينفورمبيۋرو» باعدارلاماسىنىڭ رەداكتورى م.دوروفەەۆ شىنىمەن وتاندىق جۋرناليستيكانىڭ وركەندەپ قانات جايۋىنا وراسان زور قىزمەت ەتكەن تۇلعا بولاتىن.ەڭبەك جولىن اتىراۋ وبلىسىندا باستاعان, كەيىن رەسپۋبليكالىق كتك تەلەارناسىندا, «ەكسپرەسس ك», «گورود» جانە «مەگاپوليس» گازەتتەرىندە جۇمىس ىستەگەن ونىڭ ماماندىعىنا ادال كاسىبي جۋرناليست بولعانىن ەلباسى نۇرسۇلتان نازارباەۆتىڭ دوروفەەۆ دۇنيەدەن وزعاندا ونىڭ وتباسىنا جولداعان جەدەلحاتىنان دا اڭعارۋعا بولادى. «ول ءوز ءىسىنىڭ كاسىبي مامانى ەدى, ۇلكەن جۇمىس تاجىريبەسى بولدى. ول قازاقستان رەسپۋبليكاسى پرەزيدەنتى جۇلدەسىنىڭ باق سالاسىنداعى لاۋرەاتى, جۋرناليستيكا اكادەمياسىنىڭ اكادەميگى, ۇلتتىق سەنىم كەڭەسىنىڭ مۇشەسى بولدى. ميحايل دوروفەەۆ وتاندىق مەديا سالانىڭ دامۋىنا زور سەپتىگىن تيگىزىپ, ساپا مەن كاسىپقويلىقتىڭ جاڭا ستاندارتتارىن ەنگىزۋگە ۇلەس قوستى», دەدى تۇڭعىش پرەزيدەنت.اقپارات جانە قوعامدىق دامۋ ءمينيسترى ايدا بالاەۆا دا جۋرناليست م.دوروفەەۆ ومىردەن وزعاندا ءوزىنىڭ فەيسبۋكتەگى پاراقشاسىندا: ء«ميحايلدى جەكە تانيتىن ەدىم, ونىڭ ومىردەن وزۋى – وتاندىق جۋرناليستيكا ءۇشىن وتە اۋىر قازا. ونىڭ كوپتەگەن دوستارى بولدى, ءبارى ونى جاقسى كوردى جانە قۇرمەتتەدى, كاسىبي جانە ادامي قاسيەتتەرىن قادىرلەدى. ءبارىمىز ونى ساعىناتىن بولامىز», دەپ جازدى.جاقسىنىڭ اتى ولمەيدى دەگەنىمىزبەن, ءىرى تۇلعالاردىڭ, كاسىبي مامانداردىڭ ورنى ارقاشان ويسىراپ تۇرادى...