تاۋەلسىزدىكتىڭ 30 جىلدىعىنا وراي قالا اكىمى م.ايتەنوۆتىڭ باستاماسىمەن شىمكەنتتە شاحماتتان جاسوسپىرىمدەر اراسىندا قازاقستان چەمپيوناتى وتەدى. چەمپيوناتتى شىمكەنت قالاسى اكىمدىگى مەن قازاقستاندىق شاحمات فەدەراتسياسى ۇيىمداستىرۋدا, دەپ حابارلايدى Egemen.kz.
«شىمكەنت – ەلىمىزدىڭ شاحمات استاناسى» برەندىن قالىپتاستىرۋ اياسىندا قولعا الىنعان سپورتتىق سايىس الداعى شىلدە ايىنىڭ 20-30 جۇلدىزى ارالىعىندا وتەدى دەپ جوسپارلانىپ وتىر.
ءىس شارانىڭ ماقساتى - حالىقارالىق شاحمات ارەناسىندا قازاقستاننىڭ وڭ ءيميدجىن قالىپتاسىرا وتىرىپ, شىمكەنتتى زياتكەرلىك شاھارعا اينالدىرۋ. سونداي-اق, شاحماتتان جاڭا ەسىمدەردى انىقتاۋ.
ايتا كەتەيىك, شاحماتتان جاسوسپىرىمدەر اراسىندا قازاقستان چەمپيوناتى مەملەكەتتىك بيۋدجەتتەن ەش قارجىسىز ۇيىمداستىرىلادى. جارىس «Black Rock Business» جشس-ءنىڭ دەمەۋشىلىگىمەن وتەدى. جالپى سايىستىڭ جۇلدە قورى 2 880 000 تەڭگەنى قۇرايدى. جەڭىمپازدار الەم جانە ازيا چەمپيوناتتارىنىڭ جولداماسىنا يە بولماق. ال چەمپيوناتتىڭ تالاپ-ەرەجەلەرىمەن قازاقستان شاحمات فەدەراتسياسىنىڭ رەسمي سايتىنان تانىسۋعا بولادى.