تۇركيا بيىل تۋريستىك ماۋسىمدى جىل سوڭىنا دەيىن ۇزارتۋدى جوسپارلاپ وتىر. بۇل تۋرالى ەلدىڭ مادەنيەت جانە تۋريزم ءمينيسترى مەحمەت نۋري ەرسوي مالىمدەدى, دەپ حابارلايدى Egemen.kz.
ۆەدومستۆونىڭ جوسپارىنا سايكەس, 2021 جىلدىڭ سوڭىنا دەيىن تۇركياعا 35 ميلليوننان استام تۋريست كەلەدى. بۇل 2019 جىلعى رەكورد كورسەتكىشتىڭ 80 پايىزىن قۇرايدى. ول كەزدە ەلگە 45 ميلليون ادام كەلگەن. ەگەر جوسپار ورىندالسا, تۋريستىك سالانىڭ بيىلعى كىرىسى 20 ميلليارد دوللارعا جەتەدى.
مادەنيەت جانە تۋريزم ءمينيسترى پاندەمياعا قارسى تۋريستەردىڭ قاۋىپسىزدىگىن قامتاماسىز ەتۋ ءۇشىن بارلىق شارا جوعارى دەڭگەيدە ساقتالاتىنىن ايتتى.
«تۇركياعا كەلگەن تۋريستەر COVID-19 سىناعى, ۆاكتسينا, كارانتين سياقتى باقىلاۋدىڭ بارلىق تۇرىنەن وتەدى. ۆاكتسيناسىز قاجەتتى سىناقتاردان وتپەگەن ادام, ءتىپتى ۇشاتىن جەرىندە دە ۇشاققا وتىرا المايدى جانە ۇشىپ كەتە المايدى. تۋريستەرگە تەستىلەۋ جۇرگىزبەۋ دەگەن سەكىلدى جاعدايلار بولمايدى», دەدى مينيستر.