توعىز ەلدە كوروناۆيرۋس شتامىنىڭ جاڭا ءتۇرى «دەلتا پليۋس» انىقتالدى, دەپ حابارلايدى Egemen.kz.
COVID-19-دىڭ «دەلتا پليۋس» دەپ اتالعان جاڭا شتامم نۇسقاسى ۇندىستاندا, اقش-تا, ۇلىبريتانيادا, پورتۋگاليادا, شۆەيتساريادا, جاپونيادا, پولشادا, نەپالدا, قىتايدا جانە رەسەيدە انىقتالعان.
COVID-19-دىڭ بۇل نۇسقاسى «الاڭداتاتىن» دەپ جىكتەلىپ وتىر. جاڭا مۋتاتسيانىڭ قاۋپى ءالى بەلگىسىز. شتامم نەعۇرلىم جۇقپالى, وكپە جاسۋشالارىنا كوبىرەك بايلانىساتىنى جانە انتيدەنەلەرگە قارسى تۇرا الاتىنى بەلگىلى.
اتاپ ايتقاندا, بۇرىن دەلتا شتامىن تىركەگەن ءۇندىستاننىڭ دەنساۋلىق ساقتاۋ مينيسترلىگى جاڭا مۋتاتسيانى انىقتاۋدىڭ 22 جاعدايىن حابارلادى. دەنساۋلىق ساقتاۋ مينيسترلىگىنىڭ مالىمەتىنشە, جاڭا نۇسقا - بۇل K417N قوسىمشا مۋتاتسياسى بار «دەلتانىڭ» ادەتتەگى نۇسقاسى, ول وڭتۇستىك افريكادان كەلگەن «بەتا» نۇسقاسىندا دا بايقالادى.
بۇعان دەيىن قازاقستاندا دا كوروناۆيرۋستىڭ دەلتا-نۇسقاسىنىڭ تارالۋ ىقتيمالدىعى انىقتالعان بولاتىن. نۇر-سۇلتاندا كوروناۆيرۋستىڭ ءۇندى شتامى پاتسيەنتتەردىڭ 56 پايىزىندا الدىن الا راستالعانى حابارلانعان. COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيا كارانتين شەكتەۋلەرىن قاتاڭداتۋدى ۇيعارعان.