قاسىم-جومارت توقاەۆ نافتالي بەننەتتىڭ يزرايل مەملەكەتىنىڭ پرەمەر-ءمينيسترى بولىپ سايلانۋىنا بايلانىستى قازاقستان حالقىنىڭ جانە جەكە ءوز اتىنان قۇتتىقتاۋ جەدەلحاتىن جولدادى, دەپ حابارلايدى Egemen.kz اقورداعا سىلتەمە جاساپ.
– قازىرگى ۋاقىتتا يزرايل الەمدىك دەڭگەيدە ەكونوميكاسى قارقىندى دامىعان, ۇزدىك يننوۆاتسيالىق تەحنولوگياسى ارقىلى حالقىنىڭ ال-اۋقاتىن ارتتىرعان حالىقارالىق قاۋىمداستىقتىڭ بەدەلدى مۇشەسى رەتىندە تانىلدى. وسى رەتتە ەلىڭىزدىڭ جەتىستىكتەرى مەن مەرەيىن ءارى قاراي ەسەلەۋگە باعىتتالعان ءسىزدىڭ باستامالارىڭىز بەن جوسپارلارىڭىزدىڭ تولىق تا تابىستى جۇزەگە اسۋىنا تىلەكتەسپىن, – دەلىنگەن جەدەلحاتتا.
مەملەكەت باسشىسى قازاقستان مەن يزرايل اراسىنداعى ساياسي, ساۋدا-ەكونوميكالىق جانە مادەني سالالارداعى ءوزارا ءتيىمدى بايلانىستاردى ءداستۇرلى دوستىق پەن ءوزارا سەنىم رۋحىندا نىعايتۋدى ورتاق ماقسات دەپ سانايدى. سونداي-اق وسى يگىلىكتى جولدا كۇش-جىگەر جۇمىلدىرۋعا دايىن ەكەنىن جەتكىزدى.
قاسىم-جومارت توقاەۆ نافتالي بەننەتتىڭ جاۋاپتى قىزمەتىنە مول تابىس پەن ساتتىلىك, ال دوستاس يزرايل حالقىنا باق-بەرەكە تىلەدى.