سوتقا دەيىنگى ءىس جۇرگىزۋ سالاسىن جەتىلدىرۋ تۋرالى ىشكى ىستەر ءمينيسترى ەرلان تۇرعىمباەۆ ورتالىق كوممۋنيكاتسيالار قىزمەتى الاڭىندا وتكەن حالىق الدىندا ەسەپ بەرۋ كەزدەسۋ بارىسىندا مالىمدەدى, دەپ جازادى Egemen.kz.
ۆەدومستۆو باسشىسىنىڭ مالىمەتىنشە, قىلمىستىق ىستەردى ەلەكتروندىق فورماتتا تەرگەۋ تاجىريبەسى كەڭەيۋدە.
«وتكەن جىلى قىلمىستىق ىستەردىڭ 50%-ى وسى نىساندا تەرگەلدى. اعىمداعى جىلى - 70%. جىل سوڭىنا دەيىن ەلەكتروندىق تەرگەۋگە 100% كوشۋ جوسپارلانۋدا. وسىلايشا, تەرگەۋ مەرزىمدەرى قىسقارادى, ازاماتتاردىڭ كونستيتۋتسيالىق قۇقىقتارىن باقىلاۋ جانە قورعاۋ دەڭگەيى ارتادى. زاڭدىلىقتى بۇزۋ جاعدايلارى الىنىپ تاستالادى», دەدى ە.تۇرعىمباەۆ.
قازاقستان تمد-دا سوتقا دەيىنگى ءوندىرىستى تسيفرلاندىرۋدى باستاعان العاشقى ەل.