9 ماۋسىم كۇنى قاتتى جاۋىن-شاشىن اسەرىنەن جەتىسۋ الاتاۋى جوتاسىنىڭ وڭتۇستىك بەتكەيىنىڭ ورتا تاۋ بولىگىندە سۋ تاسىپ, سەل جۇرە باستادى, دەپ حابارلايدى Egemen.kz.
سالدارىنان سارىوزەك - كوكتال اۆتوجولىنىڭ 171-شاقىرىمىندا الماتى وبلىسى پانفيلوۆ اۋدانى اقجازىق اۋىلىنىڭ ماڭىندا اۆتوجول كوپىرىنىڭ كولىك جۇرەتىن بولىگىنە ەنى شامامەن 700-800 مەتر سۋدىڭ شىعۋى بايقالدى.
«زارداپ شەككەندەر مەن قۇرباندار جوق, ەلدى مەكەندەردى سۋ باسۋ قاۋپى جوق. بۇگىنگى تاڭدا سايدا سۋ جوق, اۆتوجولدا كولىكتەر شتاتتىق رەجيمدە ءجۇرىپ جاتىر», دەپ حابارلادى تجد وكىلدەرى.