قر تۇڭعىش پرەزيدەنتى-ەلباسى ن. نازارباەۆ اتىنداعى عىلىمي-يننوۆاتسيالىق زەرتحانانىڭ سالتاناتتى اشىلۋ ءراسىمى ءوتتى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
زەرتحاننانىڭ قۇرىلتايشىلارى – «G-Global» حالىقارالىق حاتشىلىعى جانە ونىڭ قحر-داعى ستراتەگيالىق سەرىكتەسى «China Silk Road Group» كومپانياسى.
اتالعان ءىس-شاراعا نانكين ق. «تسزيانبەي» جاڭا اۋدانى اكىمشىلىگىنىڭ جانە پەكين ق. «چجۋنگۋانتسۋن» عىلىمي-تەحنولوگيالىق پاركىنىڭ وكىلدەرى, قازاقستاننىڭ قحر-داعى ەلشىلىگىنىڭ ديپلوماتتارى, سونداي-اق قىتايلىق باق تىلشىلەرى قاتىستى.
ءراسىم بارىسىندا ءىس-شاراعا قاتىسۋشىلارعا «G-Global» حالىقارالىق حاتشىلىعىنىڭ باسشىسى سەرىك نوگەربەكوۆ ءوزىنىڭ بەينە سالەمدەمەسىن جولدادى.
زەرتحانانىڭ نەگىزگى مىندەتى اۋقىمدى زەرتتەۋلەردى, ونىڭ ىشىندە زاماناۋي «بلوكچەين» تەحنولوگيالارىن, جاساندى ينتەللەكت پەن «ۇلكەن دەرەكتەردى» پايدالانا وتىرىپ جۇزەگە اسىرۋ ارقىلى قىتايلىق ء«بىر بەلدەۋ, ءبىر جول» باستاماسى جانە قازاقستاندىق «نۇرلى جول» مەملەكەتتىك باعدارلاماسى شەڭبەرىندە جوبالاردى ىلگەرىلەتۋ, سونداي-اق عىلىمي سۇيەمەلدەۋگە پراكتيكالىق جاردەمدەسۋ بولىپ تابىلادى. بۇل جۇمىسقا ەكى ەلدىڭ جەتەكشى عالىمدارى مەن پراكتيكتەرى بەلسەندى تۇردە تارتىلاتىن بولادى.
«G-Global» حالىقارالىق حاتشىلىعى 2019 جىلدان باستاپ ء«بىر بەلدەۋ, ءبىر جول» باستاماسى سەرىكتەستەرىنىڭ قۇرامىنا كىرەدى. ونىڭ «جىبەك جولى» جاھاندىق سىيلىعى جانە «جاھاندىق جىبەك جولى – قالا اكىمدەرىنىڭ فورۋمى» سياقتى جوبالارىن ء«بىر بەلدەۋ, ءبىر جول» باستاماسىنىڭ 2-ءشى فورۋمىنىڭ قاتىسۋشىلارى تاراپىنان قولداۋ تاۋىپ, قورىتىندى قۇجاتىنىڭ ماتىنىنە ەنگىزىلدى.