ءبىلىم مينيسترلىگى ۇيىمداستىراتىن وليمپيادالار وقۋشىلار ءۇشىن اقىسىز نەگىزدە بولادى. بۇل تۋرالى ءبىلىم جانە عىلىم ۆيتسە-ءمينيسترى شولپان كارينوۆا ايتتى, دەپ حابارلايدى Egemen.kz.
«بالالاردىڭ دارىندىلىعىن قولداۋ – زياتكەرلىك وليمپيادالار, جالپى ءبىلىم بەرەتىن پاندەر بويىنشا عىلىمي جوبالار, كونكۋرستار, كاسىبي شەبەرلىك كونكۋرستارى جانە سپورتتىق جارىستار وتكىزۋ ارقىلى بىرنەشە باعىتتا جۇزەگە اسىرىلادى. ءبىلىم جانە عىلىم مينيسترلىگى وتكىزەتىن زياتكەرلىك وليمپيادالار مەن كونكۋرستاردى «دارىن» رەسپۋبليكالىق ورتالىعى, شىعارماشىلىق جانە كوركەمدىك باعىتتاردى رەسپۋبليكالىق قوسىمشا ءبىلىم بەرۋ ورتالىعى, سونداي-اق سپورتتىق باعىتتا رەسپۋبليكالىق دەنە شىنىقتىرۋ جانە سپورت ورتالىعى ۇيلەستىرەدى. ايتا كەتۋ كەرەك, ءبىلىم جانە عىلىم مينيسترلىگى وتكىزەتىن بارلىق جارىستار, ونىڭ ىشىندە زياتكەرلىك وليمپيادالار دا, شىعىرماشىلىق ءارى سپورتتىق جارىستار دا بيۋدجەت قاراجاتى ەسەبىنەن جۇرگىزىلەدى», دەدى ش.كارينوۆا ورتالىق كوممۋنيكاتسيالار قىزمەتىندە.
وسى ورايدا ول بۇل جارىستار وقۋشىلار ءۇشىن تەگىن ەكەنىن ناقتىلادى.
«وليمپيادالار مەن جارىستاردىڭ قورىتىندىلارى بويىنشا جەڭىمپازدار مەن جۇلدەگەرلەرگە ءتيىستى دەڭگەيدەگى ديپلومدار جانە بارلىق قاتىسۋشىعا سەرتيفيكاتتار بەرىلەدى. ولار وتە ماڭىزدى. ويتكەنى دارىندىلىقتى دامىتۋ, قولداۋ, سونداي-اق ولاردى ىنتالاندىرۋ ءار دارىندى وقۋشىنى ارى قاراي جىگەرلەندىرۋگە اسەر ەتەدى. ديپلومدار مەن سەرتيفيكاتتاردى بەرۋ دە تەگىن تۇردە جۇرگىزىلەدى», دەدى ۆيتسە-مينيستر.