بەلگيا بوتانيكالىق باققا «سمۋرفيكتەردى» سىيعا تارتتى

سمۋرفيكتەر بەينەلەنگەن ءمۇسىن بۇل باققا بەلگيا كورولدىگىنىڭ ەلشىسى بارون الەكسي دە كرومبريۋگحە دە پيكەنداەلدىڭ باستاماسىمەن ورناتىلدى.

سمۋرفيكتەر قۇبىلىس رەتىندە بەلگيادا 1958 جىلى پايدا بولعان. اق كيىم كيگەن كوك ءتۇستى وسىناۋكىشكەنتاي تىرشىلىك يەلەرىن بالالاردىڭ كەم دەگەندە ءۇش بۋىنى جاقسى كورىپ, الەمدە 300 ميلليوننان استام سمۋرفيك ساتىلادى. بەلگيالىق سۋرەتشى پەر كيۋلليفوروم ويلاپ تاپقان, سۋرەتتەرىن ءوزى سالعانسمۋرفيكتەر – پەيو اتتى بۇركەنشىك اتپەن جۇمىس ىستەيتىن ورمان تۇرعىندارى. سمۋرفيكتەر بۇكىل الەمدەگى تەڭدىك پەن جاقسىلىقتىڭ, سونداي-اق تەرەڭ وتباسىلىق بايلانىستىڭ نىشانى ىسپەتتى.

وتكەن جىلى قازان ايىندا الماتى قالاسىنىڭ بوتانيكالىق باعىندا «بەيبىتشىلىك اللەياسى» ەكولوگيالىق جوباسىنىڭ مۇرىندىق بولۋىمەن كوشەتتەر وتىرعىزىلعان ەدى. بىرىككەن ۇلتتار ۇيىمىنىڭ 75 جىلدىعىنا ارنالعان ءىس-شاراعا الماتىدا تىركەلگەن ديپلوماتيالىق كورپۋس پەن حالىقارالىق ۇيىمداردىڭ 40-تان استام وكىلى قاتىسقان بولاتىن.

ءوز كەزەگىندە «بەيبىتشىلىك اللەياسىن» قۇرۋعا بەلگيا كورولدىگى دە ۇلەسىن قوسىپ, بەلگيا كورولدىگىنىڭ ەلشىسى بارون الەكسي دە كرومبريۋگحە دە پيكەنداەلدىڭ باستاماسىمەن سمۋرفيكتەر بەينەلەنگەن ءمۇسىن سالتاناتتى تۇردە اشىلدى.

ءمۇسىن ءوز ەلىمىزدەگى كۇرتى مرامورىنان جاسالعان, قاس بەتىندە جەزدەن جاسالعان سمۋرفيكتەر بەينەلەنگەن. بۇل باستاماعا كادەسىيلار مەن قادىرلى-تاۋارلار, سونداي-اق كىشىگىرىم فورماداعى ارنايى ساۋلەت نىساندارىن شىعارۋعا ماماندانعانجەرگىلىكتى Kaz Souvenir TRADE كومپانياسى مەردىگەر بولدى.

قازىرگى ۋاقىتتا سمۋرفيك-كەيىپكەرلەر تاۋار مەن قىزمەتتىڭ 3000-نان استام تۇرىندە ۇسىنىلعان.

ينستاللياتسيانىڭ اشىلۋ راسىمىندە ەلشى الەكسي دە كرومبريۋگحە دە پيكەنداەل بەلگيا مەنقازاقستان اراسىنداعى دوستىق قارىم-قاتىناس وتە جوعارى دەيگەيدە ەكەنىن اتاپ ءوتتى.

الەكسي دە كرومبريۋگحە دە پيكەنداەلدىڭ ايتۋىنشا, ونىڭ قازاقستانداعى ەلشى بولعان كەزىندەگى باستى جەتىستىكتەردىڭ ءبىرى – بەلگياداعى قازاقستاندىق ستۋدەنتتەر سانى 20-دان 200-گە دەيىن وسكەن.

ەلشى ەكى ەل اراسىنداعى ساۋدا دا, ينۆەستيتسيا دا ودان ءارى دامۋعا لايىقتى ەكەنىن اتاي وتىرىپ: «پاندەميا بەلگيا كومپانيالارىنىڭ جىلدىق ساۋدا-ەكونوميكالىق ميسسيالارىن توقتاتتى. جاقىن ارادا بۇل ميسسيالار قايتا جاندانادى دەپ ۇمىتتەنەمىن. بەلگيا-قازاقستان ساۋدا اينالىمى ادەتتە 500 ميلليون ەۋرونى قۇرايتىن, ال پاندەميا كەزىندە ول تۇراقتى دا تەڭدەستىرىلگەن كۇيدە قالىپ قويدى», دەدى.

بەلگيانىڭ قازاقستانداعى ەلشىلىگى مەن ۆاللون ەكسپورت جانە ينۆەستيتسيالار اگەنتتىگىنىڭ (AWEX) ساۋدا-ەكونوميكالىق كەڭەسشىسى ايجان مۇساقانوۆا «بەيبىتشىلىك اللەياسىنا» سمۋرفيكتەر قوندىرعىسىنان بولەك, بەلگيادان اكەلىنگەن 8 اك اعاشىن ساتىپ الىپ, وتىرعىزۋدى ۇسىندى. بەلگيادا ليندەن ءداستۇرلى تۇردە اۋىل نەمەسە قالا جۇرەگىن بەينەلەيتىندىكتەن, ول نەگىزىنەن ورتالىق الاڭدارعا وتىرعىزىلادى.