شىعىس قازاقستان وبلىسى بويىنشا ەكونوميكالىق تەرگەپ-تەكسەرۋ دەپارتامەنتى اينالىمى 200 ملن تەڭگەدەن اساتىن «دەنەجنىي پوتوك» قارجى پيراميداسىنىڭ قىزمەتىن توقتاتتى, دەپ حابارلايدى Egemen.kz.
«تەرگەۋ بارىسىندا 2019-2020 جىلدارى شقو-نىڭ ەكى تۇرعىنى مەسسەندجەر ارقىلى رەسەيدىڭ ءىرى قۇرىلىس كومپانياسىنىڭ قىزمەتى تۇرىندە الاياقتىق سحەمانى ۇيىمداستىرعانى انىقتالدى.
قارجى پيراميداسىن ۇيىمداستىرۋشىلار ەكى اي ىشىندە جارنا سوماسىنىڭ 25%-ءى مولشەرىندە اپتا سايىنعى مول پايدا تابۋعا ۋادە بەرگەن. بۇعان سەنىپ قالعان سالىمشىلار رەسمي شارتتار جاساسپاعان, اقشا اۋدارىمدارىن ۇيىمداستىرۋشىلاردىڭ كارتاسىنا جىبەرگەن», دەپ حابارلايدى قر قما ءباسپاسوز قىزمەتى.
قارجى پيراميداسىنا 370-تەن استام ادام الدانىپ, ولاردىڭ تەك 43-ءى ورگاندارعا جۇگىندى. كىنالى تۇلعالار 5 جىلعا باس بوستاندىعىنان ايىرىلدى.