سەناتور سەرگەي ەرشوۆ پرەمەر-مينيستر اسقار ماميننىڭ اتىنا جولداعان دەپۋتاتتىق ساۋالىندا ازاماتتىق قورعانىس ماسەلەلەرىنە قاتىستى وزەكتى ماسەلەلەردى ايتتى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
تابيعي جانە تەحنوگەندىك سيپاتتاعى توتەنشە جاعدايلار, ونىڭ ىشىندە تۇركىستان وبلىسىنداعى بوگەتتىڭ جارىلۋى جانە ەلدى مەكەندەردى سۋ باسۋ, ريددەردەگى ءورت, سونداي-اق الماتى مەن وسكەمەن ماڭىنداعى قوقىس پوليگونىندا بولىپ جاتقان وقيعالاردى تالداۋ ەكونوميكالىق, الەۋمەتتىك, دەموگرافيالىق جانە وزگە دە مەملەكەت مۇددەسىنىڭ قوزعالاتىنىن كورسەتەدى.
«توتەنشە جاعداي ورگاندارى ماتەريالدىق-تەحنيكالىق تۇرعىدا جابدىقتاۋ ىسىندە قارجى جەتكىلىكسىز ءبولىنىپ كەلەدى جانە قولدانىستاعى نورماتيۆتەردىڭ 58%-دان ءسال عانا اساتىن دەڭگەيدى قۇراپ وتىر. حالىقتى جانە ەلىمىزدىڭ قاۋىپسىزدىگىن قورعاۋ ءۇشىن الەۋمەتتىك نىساندار قۇرىلىسىنا جۇمسالاتىن شىعىندار دا قىسقارۋدا», دەدى سەرگەي ەرشوۆ.
سەناتور وسىعان بايلانىستى 2022 جىلعا ارنالعان بيۋدجەتتى قالىپتاستىرۋ كەزىندە ازاماتتىق قورعاۋ ورگاندارىن ءتيىستى ماتەريالدىق-تەحنيكالىق جاراقتاندىرۋعا باعىتتالعان قارجىلاندىرۋدى قاراستىرۋ قاجەت ەكەنىن ايتتى.
سونىمەن قاتار دەپۋتات تج ورگاندارىنىڭ قىزمەتكەرلەرىن تۇرعىن ۇيمەن قامتاماسىز ەتۋگە قاتىستى پروبلەمالاردى, سونداي-اق «ازاماتتىق قورعاۋ تۋرالى» زاڭدى جەتىلدىرۋ ماسەلەلەرىن دە ايتتى.