نۇر-سۇلتان پوليتسيا دەپارتامەنتى ۇرلىق پەن الاياقتىق جاسادى دەپ ايىپتالىپ, ىزدەۋدە جۇرگەن قىلمىسكەرلەردىڭ سۋرەتىن جاريالادى, دەپ حابارلايدى Egemen.kz.
ءتارتىپ ساقشىلارى ازاماتتارعا قىلمىس جاساعان كۇدىكتىلەر تۋرالى اقپارات بىلسە ىشكى ىستەر ورگاندارىنا حابارلاسۋىن ءوتىندى. ىزدەۋدە جۇرگەندەردىڭ اراسىندا شەتەلدىك ازاماتتار دا بار.
ماسەلەن اقشا ۇرلادى دەگەن كۇدىككە ىلىنگەن 28 جاستاعى رەسەي فەدەراتسياسىنىڭ ازاماتى ىزدەۋدە ءجۇر. كۇدىكتىگە قر قىلمىستىق كودەكسىنىڭ 188-بابىنىڭ 1-بولىگى بويىنشا قىلمىستىق ءىس قوزعالدى.
ەگەر ىزدەۋدە جۇرگەن ادامنىڭ كىناسى دالەلدەنسە, وعان ءۇش جىلعا دەيىنگى مەرزىمگە باس بوستاندىعىن شەكتەۋ جانە مۇلكىن تاركىلەۋ جازاسى ەنگىزىلەدى. ىشكى ىستەر دەپارتامەنتتىڭ جەكە قۇرامى اتالعان قىلمىسكەرلەردى ىزدەۋگە باعىتتالعان.
كۇدىكتىلەردىڭ سۋرەتى اۋەجايدا, تەمىرجول جانە اۆتوبەكەتتەردە ورنالاستىرىلعان.