اتىراۋلىق ازاماتتىڭ پسيحوتروپتى ءدارى-دارمەك ساتقانى انىقتالدى

اتىراۋ وبلىسى اۋماعىندا پسيحوتروپتىق پرەپاراتتاردى ساتۋمەن اينالىسقان ازامات «دارمەك» جەدەل-الدىن الۋ ءىس شاراسى كەزىندە انىقتالعان. تەكسەرۋ بارىسىندا 1999 جىلى تۋعان ازاماتتان 58 دانا ترامادول جانە 31 دانا تراپيكامەد ءدارى-دارمەكتەرى الىندى.

قازىرگى ۋاقىتتا, اتالعان ادامعا قاتىستى قر اقبتك-ءنىڭ 426 بابىمەن (فارماتسەۆتيكالىق قىزمەتتىڭ جانە دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكالىق اينالىسى سالاسىنىڭ قاعيدالارىن بۇزۋ) فاكتىسى بويىنشا قر دەنساۋلىق ساقتاۋ مينيسترلىگى مەديتسينالىق جانە فارماتسەۆتيكالىق باقىلاۋ كوميتەتىنىڭ اتىراۋ وبلىسى بويىنشا دەپارتامەنتىنە شەشىم قابىلداۋ ءۇشىن ءىس-قۇجاتتار جولداندى.

– اتىراۋ وبلىسى اۋماعىندا وتكەن «دارمەك» جەدەل الدىن الۋ ءىس-شاراسى كەزىندە بارلىعى بەس اكىمشىلىك قۇقىقبۇزۋشىلىق (قر اقبتك-ءنىڭ 427-بابى 1-بولىمىمەن – ەكى, قر اقبتك 464-بابى 1-بولىگىمەن – ءبىر, قر اقبتك 426-بابى 1-بولىگىمەن – ەكى) جانە التى قىلمىستىق, ياعني (قر قك 297-بابى 1-بولىگىمەن – ءتورت, قر قك 296-بابى 4-بولىگىمەن – ءبىر, قر قك 296-بابى 2-بولىگىمەن – ەكى) قۇقىقبۇزۋشىلىق انىقتالدى. سونىمەن قاتار ەكى مەديتسينا قىزمەتكەرىنەن ترامادول 69 تروپيكامەد دارىلىك پرەپاراتىنىڭ 1 280 تابلەتكاسى الىنىپ, ولاردى اكىمشىلىك جاۋاپكەرشىلىككە تارتۋ ءۇشىن جيناقتالعان ءىس-قۇجاتتار اتىراۋ وبلىسى جەرگىلىكتى پوليتسيا قىزمەتى باسقارماسىنا, وبلىستىق مەديتسينالىق جانە فارماتسەۆتيكالىق باقىلاۋ كوميتەتىنىڭ دەپارتامەنتىنە جىبەرىلدى, – دەدى اتىراۋ وبلىسى پوليتسيا دەپارتامەنتىنىڭ باستىعى قامزا ۇمبەتقاليەۆ.