اۋىل بالالارى بوس ۋاقىتىن قالاي وتكىزەدى؟

اۋىلدىق وتباسىلارداعى باستى قۇندىلىقتاردىڭ ۇشتىگىنە «ۇلكەنگە قۇرمەت, كىشىگە ىزەت» ۇستانىمى (63,9%), داستۇرلەر مەن ادەت عۇرىپتاردى ساقتاۋ (41%) جانە ءوزارا سۇيىسپەنشىلىك پەن مەيىرباندىق (37,4%) كىرەدى.

​«بوس ۋاقىتىڭىزدى قالاي وتكىزەسىز؟» دەگەن سۇراققا اۋىل تۇرعىندارىنىڭ 64%-ى وتباسىنا, تۋىستارىمەن جانە دوستارىنا ۋاقىت بولگىسى كەلەتىنىن ايتقان. 38,2%-ى ۋاقىتىن تەلەديدار مەن ينتەرنەتكە جۇمسايدى. ال 19,3%-ى ءوز شارۋالارىمەن اينالىسادى.

​سونىمەن قاتار ساۋالناما بالالار اراسىندا دا جۇرگىزىلگەن. اۋىل بالالارىنىڭ 50,8%-ى ۋاقىتىن تازا اۋادا, دالادا وتكىزگەندى ۇناتادى. 36%-ى ۋاقىتىن كينو مەن مۋلتفيلمگە جۇمسايدى. 26,9%-ى ءۇي شارۋاشىلىعىنا كومەكتەسەدى.

​بۇدان بولەك بوس ۋاقىتىندا اۋىل بالالارىنىڭ 22,7%-ى موبيلدىك قۇرىلعىلاردا وتىرسا, 16,2%-ى الەۋمەتتىك جەلىلەرگە جۇمسايدى.

زەرتتەۋ بارىسى كورسەتكەندەي, اۋىل تۇرعىندارىنىڭ 74,2%-ى بالا تاربيەسىندە كۇش قولدانعاندى دۇرىس كورمەيدى.

​ايتا كەتۋ كەرەك, رەسپوندەنتتەردىڭ 88,2%-ى ءوز دەنساۋلىعىن جاقسى جانە قاناعاتتانارلىق دەپ باعالاعان. ساۋالناماعا قاتىسقان اۋىل تۇرعىندارىنىڭ 41,2%-ندا دەنساۋلىعىنا بايلانىستى ەشقانداي پروبلەما جوق. ال 46,6%-ى سالاۋاتتى ءومىر سالتىن ۇستانادى.

جالپى اۋىل تۇرعىندارىنىڭ 72,1%-ى قالاعا كوشۋگە نيەتى جوقتىعىن ايتىپتى. قالعان 27,4%-ى بالالارىنىڭ ساپالى ءبىلىم الۋى, جاقسى جۇمىسقا ورنالاسۋ جانە باسقا دا پەرسپەكتيۆالار ءۇشىن قالاعا كوشكىسى كەلەتىندىگىن جاسىرماعان.

سونداي-اق اۋىلدىق تۇرعىندار بالا تۋعاندا بەرىلەتىن جاردەماقى, كوپبالالى انالارعا بەرىلەتىن جاردەماقى سىندى بارلىق مەملەكەتتىك قولداۋ باعدارلامالارىنان جاقسى حاباردار ەكەندىكتەرىن ايتقان.