7 ماۋسىم كۇنى فۋتبولدان اۋستريا جەرىندە ءوتۋى ءتيىس جولداستىق كەزدەسۋ بولمايتىن بولدى, دەپ حابارلايدى Egemen.kz قفف-عا سىلتەمە جاساپ.
قازاقستان ۇلتتىق قۇراماسى 4 ماۋسىم كۇنى ماكەدونيا استاناسى سكوپەدە, 7 ماۋسىم كۇنى اۋستريانىڭ ۆولفسبەرگ قالاسىندا مالتا قۇراماسىمەن جولداستىق كەزدەسۋلەر وتكىزۋى ءتيىس بولعان. الايدا, پاندەميانىڭ ءورشىپ تۇرعان كەزىندە اۋستريا اۋماعىنا ۆيزا الۋ وتە قيىنعا سوقتى. اۋستريانىڭ قازاقستانداعى ەلشىلىگى قازاقستان قۇراماسىنا ۆيزا بەرۋدەن باس تارتتى. وسى ماسەلەگە بايلانىستى قازاقستان - مالتا ماتچى بولمايدى. دەمەك, تالعات بايسۋفينوۆ باپتايتىن كوماندامىز 4 ماۋسىم كۇنى ماكەدونياعا قارسى ويناپ بولعان سوڭ, قازاقستانعا ورالادى. ەكىنشى جولداستىق ويىن كۇزدەگى ۋەفا داتاسىنا قالدىرىلدى.