جىل باسىنان بەرى فەرمەرلەر 140 ملرد تەڭگەگە 8700 تەحنيكا ساتىپ الدى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە اۋىل شارۋاشىلىعى ءبىرىنشى ۆيتسە-ءمينيسترى ايداربەك ساپاروۆ مالىمدەدى, دەپ جازادى Egemen.kz.
«اۋىل شارۋاشىلىعى تەحنيكاسىن ساتىپ الۋ دەڭگەيى وڭ ديناميكانى كورسەتۋدە. 2021 جىلدىڭ 5 ايىندا رەسپۋبليكا بويىنشا 140 ملرد تەڭگەگە جۋىق سوماعا 8700 بىرلىك تەحنيكا ساتىپ الىندى. جىل سوڭىنا دەيىن بۇل سومانى 240 ملرد تەڭگەگە دەيىن جەتكىزۋ جوسپارلانىپ وتىر. بۇل مەملەكەت باسشىسىنىڭ اگروونەركاسىپتىك كەشەندەگى ەڭبەك ونىمدىلىگىن 2,5 ەسەگە ارتتىرۋ جونىندەگى تاپسىرماسىن ورىنداۋعا ىقپال ەتەدى. ناتيجەلەردى قازىردىڭ وزىندە كورىپ وتىرمىز. وتكەن جىلمەن سالىستىرعاندا نەگە 1,5 ملن گا الدا كەلە جاتىرمىز؟ بۇل تەحنيكانى جاڭارتۋدىڭ ارقاسى. باستاپقى جارنا ماسەلەسى شەشىلدى, ينۆەستيتسيالىق سۋبسيديا ەندى اۆانس رەتىندە پايدالانىلۋى مۇمكىن», دەدى ءبىرىنشى ۆيتسە-مينيستر.
سونىمەن قاتار, ول بيىل وتاندىق اۋىل شارۋاشىلىعى تەحنيكاسىن ساتىپ الۋ ۇلەسى ەداۋىر وسكەنىن حابارلادى.