تۇركىستان وبلىسىندا جىل باسىنان بەرى بالالاردىڭ ءبىلىم ۇيىمدارىنداعى ساباققا دۇرىس قاتىسۋى قامتاماسىز ەتىلمەگەنى تۋرالى 2 دەرەك تىركەلگەن, دەپ حابارلايدى Egemen.kz.
اكىمشىلىك جاۋاپكەرشىلىككە تارتىلعان اتا-انالارعا 29 170 تەڭگە كولەمىندە ايىپپۇل سالىنعان. بۇل تۋرالى تۇركىستان وبلىسىنىڭ ءبىلىم سالاسىندا ساپانى قامتاماسىز ەتۋ دەپارتامەنتى باسشىسىنىڭ ورىنباسارى قۇدايبەرگەن شەرباەۆ بريفينگتە مالىمدەدى.
ء«بىلىم جانە عىلىم مينيسترلىگى جىل سايىن 1-12 ماۋسىم ارالىعىندا «بالالار ەڭبەگىن پايدالانۋعا قارسى 12 كۇن» ۇلتتىق اقپاراتتىق ناۋقانىن وتكىزەدى. ماقساتى – بالالار ەڭبەگىن پايدالانۋدىڭ الدىن الۋ ماسەلەسىنە قوعامنىڭ نازارىن اۋدارۋ. وڭىردە بۇل باعىتتا ءتيىستى شارالار قولعا الىنادى. ءبىلىم ۇيالارىنداعى بالا قۇقىعىن قورعاۋ – دەپارتامەنتتىڭ نازارىندا», دەدى قۇدايبەرگەن قايىپبەك ۇلى.
نەگىزىنەن دەپارتامەنت تاراپىنان «بالا قورعاۋ» توبى جۇمىس ىستەپ جاتىر. اپتا سايىنعى مونيتورينگ ناتيجەسىندە وتكەن اپتادا ارنايى چاتقا 63 سۇراق كەلىپ تۇسكەن. اتالعان ماسەلەلەردى وڭتايلى شەشۋ بويىنشا ءتيىستى شەشىمدەر قابىلداندى.